1 Samuel 17:28 - Kaxinawá Bíblia (BR)

²⁸ hakia haska yuiaibu hawẽ betsa iyua Eliabẽ nĩkatã haskakiri Davi yuiaibu nĩkatã hawẽ betsa haki sinatakĩ Davi yuikĩ: —Haskai mĩ nenu huamẽ? Hanu tsua hiweabuma anu nukũ epã txashuwã itxapama tsuã mekeshũyunũ mĩ yunubirãshinamẽ? Nũ hatube detenameai besti uĩtanũ ika mĩ hua mĩ datemanikapai haska txakabu shinaĩ ẽ nĩkaii— aka

1 Samuel 17:28 Referencias Cruzadas

Gênesis 37:11

hawẽ betsabũ danaĩ haki sinataibũ hakia hawẽ epã besti José hãtxa hakimama shinãshũkubainikiaki.

Gênesis 37:4

hatũ epã haska washũkĩ José betxipaihairai hatu binuhaira hawẽ betsabũ uĩkĩ José dananibukiaki, haska wa nia uĩ habe pe hãtxanameamarã.

Provérbios 18:19

Mishki kushipawẽ mae kenebaunibu hawa bika teneama tsuãra di atiru bikahairaki. Hamẽ hawẽ betsa sinatamahairashina hawa bika teneama keska daewakĩ shinã betsa wamarã, ha binua bikahairaki. Shanẽ ibũ hiwe anu hawẽ nemakĩ mane kushipawẽ kebenibu anu tsua hikitirubuma keskai tsuara ha irabetã pashkakainarã, ibubis txakabuima ana daeama habe sinatapaketiruki.

Mateus 10:36

Ewẽ taea hawenabube danãnanaĩ sinatanameshãkanikiki.

Marcos 3:21

Jesus haskai hawẽ ewa inũ hawẽ betsabũ nĩkatã yuinamei: —Unaĩsmapai tirumai ikikiki. Inũ bukãwẽ— ibiranaibũ

Judas 1:10

hawara unãkĩ nĩkabuma ha parananãmisbu yupukunãkubaĩmisbuki. Haska hatũ xinãnã, yuinakapã xinãyã keskabuki. Hatũ xinã txakabuwẽ taearã, hatũmebi hatũ kupiti bikanikiki.

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 16:7

hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka

1 Samuel 17:29

kemakĩ Davĩ yukakĩ yuikĩ: —Ẽ hawa hãtxa txakabuwaiwẽ taeshũ mĩ ea ha akai, damahairabĩ ẽ hãtxai?— itã