1 Samuel 15:33 - Kaxinawá Bíblia (BR)

³³ hakia Samuelĩ Agague yuikĩ: —Mĩ matxatu txaipa kenuhairawẽ aĩbuaibu itxapa mĩ hatu bakeuma waniwẽ taea mĩ ewa hatu keskariai bakeumari ikũkaĩshanikiki— akĩ Gilgal anushũ hawaira Senhor Deuski nukuti tari hiwe bebũshũ Samuelĩ Agague derakĩ tenãkĩ bais bais akĩ keyutã

1 Samuel 15:33 Referencias Cruzadas

1 Reis 18:40

hanushũ Eliasĩ hatu yuikĩ: —Baalĩ hãtxa yuishunikabu dasibi hatu atxikãwẽ, hau betsa pashayamanũbunã— hatu wa hawaira hatu atxiabu pashku netsu Quisom anu hatu matxi butemabaĩ Eliasĩ harishũ hatu yunua dasibi hatu tesẽ keyuabũ,

Êxodo 17:11

harishũ hawẽ mestẽti Moisĩ manaũri sanãyã Israelĩ enabũ hatu detekĩ maemaibũ hanua Moisés ma pũshukua huĩrukunũ ika pũpaniãyã Amaleque nawabũ hatu detekĩ maemaibũ

Números 14:45

hanua Amaleque nawabu inũ Canaã nawabu ha mae anu hiwebaunabu hanus ma itxatã butubirãkĩ hatu detekĩ taewakĩ maemakĩ hatu txibãkubirãkĩ Horma anushũ hatu maemakĩ yamawakĩ keyutã hatũ mae tibi anu txĩtũbainibukiaki.

Mateus 7:2

Hamẽ hatuwẽ nuiama txitekĩ mã hatu ha amiskẽ habiaskari wakĩ Deusũ ha mã hãtxai ha imiswẽ Deusũ matu ha akĩ txiteriashanikiki. Ha inũ, habias xinãwẽri mĩ hatu unãti wamiswẽ Deusũ maturi unãti washanikiki, kaneamarã.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

Apocalipse 16:6

Mĩ hãtxa yuishunikabu inũ Jesus txibaĩbu itxakawakĩ habũ himi habawakĩ tenãkubaĩmisbu haburi hatu kupikĩ himi mĩ hatu amaii. Haska mẽnũ ika imisburã, hau haskanũbũwẽ”, akaya

Apocalipse 18:6

Haskawẽ taeshũ Babilônia aĩbu keskakĩ ibubis daui hamapai mabu pepa xarabu bi kẽkĩ yuikĩ: ‘Tsuabura ebe detenamekĩ ea maematirumaki. Ha inũ, hawẽ dabanã ẽ kashama ishanaii. Hakia dasibi pepa xarabu haya shanẽ ibu aĩbu keska ẽ hiweaki’, imiswẽ taeshũ hawẽ txakabuwẽ inũ hatu txakabuwamiswẽ taeshũ dabeki kupikĩ ha mae ewapa aĩbu keska habias keska wakĩ kupitxakayamakãwẽ, nuitapawakinã. Babilônia mae ewapa anuabũ yura betsabu kemumakĩ kẽwãmamiswẽ taeshũ itxakawakĩ habiaskari wakĩ hatu nuitapawatxakayamariakãwẽ, hau ana betsa betsapa bikahaira tenenũbunã. ‘Hakia dasibi pepa xarabu haya shanẽ ibu aĩbu keska ẽ hiweaki’, imiswẽ taeshũ hawẽ txakabuwẽ inũ hatu txakabuwamiswẽ taeshũ dabeki kupikĩ ha mae ewapa aĩbu keska habias keska wakĩ kupitxakayamakãwẽ, nuitapawakinã.

1 Samuel 10:8

Mĩ haskakaĩshina bebũkiri Gilgal anu kashãwẽ, hari ana ẽ miki nukui kashanaii. Harishũ mibetã inabu sheni menukĩ keyutã hawẽ nami Deus daewati inãkuĩkĩ nũ daewashanaii. Harishũ 7 shaba ea manashãwẽ, ẽ kai miki nukushanairã, mĩ haska wakubaĩshanai harishũ shabakabi ẽ mia ana yui kashanairã— aka

1 Samuel 15:32

Samuelĩ hatu yunukĩ: —Amaleque nawa shanẽ ibu ea bebũ nitxĩ bekãwẽ— hatu wa hanushũ iweabu Samuel bebũ nishũ Agaguẽ shinaĩ: “Ma ẽ txakabu binushinaki”, ikĩ shinaĩ: “Ea ana tenãkĩ deteabumamẽkaĩ”, ishũ shinãbiaya