1 Samuel 15:19 - Kaxinawá Bíblia (BR)

¹⁹ Haska shinãma hawẽ hãtxa nĩkama binumakĩ hatu detebiakĩ hatũ mabu inũ hatũ inabu henebainaibu haskakĩ mĩ hatu biãbirãshinamẽ, Senhor Deusũ berubi txakabukiranirã?— aka

1 Samuel 15:19 Referencias Cruzadas

2 Samuel 12:9

Haskakĩ mĩ ẽ hãtxa ea nĩka pewama ikimashũ ẽ haska betxipaiai keska mĩ akama danaĩmamẽ? Amom nawabu Heteu nawa Urias hatu tenãmanũ, iwanã, hau Urias nitxĩshanũ mĩ Joabe yunua Urias hatu tenãmaimaki, hatu haska wamatã hawẽ aĩ mina wakĩ bikatsirã.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Jeremias 7:11

Na kẽwãti hiwe ẽ meribi wabianikẽ ikis yumetsubũ hiwe keska wakĩ itxakawakĩ mã ea shinãmismẽ? Dasibi mã haska wakubainairã, ẽ matu uĩkubainaii. Ea ẽ Senhor Deusũ ẽ txanima hãtxawẽ ẽ matu mestẽwaiĩ.

Números 14:41

hatu nemakĩ Moisĩ yuikĩ: —Haskai mã patapamẽ, Senhor Deusũ yunua besti nĩkamarã? Haska mã shinaĩkirirã, mã kanehairashanaii.

2 Timóteo 4:10

Demas hawẽ hiweawẽ besti inũ mabuwẽ kemukĩ ea henebaini Tessalônica mae ewapa anu kaxiãki. Crescente Galácia mai pakea anuri kariaxinaki. Tito Dalmácia mai pakea anuri kaxiãki.

1 Samuel 14:32

atimas Filisteu nawabũ ma hatũ inabu henebainabu txashuwã inũ, ina awa inũ, hatũ ina awa bake bitã betsa tesẽshũ maiki meshte meshte ashũ hawẽ nami pasha himiyabi piaibũ

1 Samuel 15:20

Saulũ kemakĩ yuikĩ: —Haska Senhor Deusũ ea yunushina txibãkĩ hawẽ yunuawẽ taeshũ ẽ ma akĩ keyushũshinaki. Amaleque nawabu dasibi tenã keyutã hanushũ Amaleque shanẽ ibu Agague neashinabu ẽ iweshinaki.