1 Samuel 15:13 - Kaxinawá Bíblia (BR)

¹³ Gilgal baiwẽ Samuel kai hari Saulki nukua benimakĩ Saulũ yuikĩ: —Senhor Deusũ hau mia pepawakubainũwẽ. Haska Senhor Deusũ ea yunushinarã, ma ẽ meneshũshinaki— abia

1 Samuel 15:13 Referencias Cruzadas

Gênesis 14:19

Abrão Melquisedeque pepawakĩ yuikĩ: “Deus dasibi binu keyua hiwea nai inũ mai hirabi damiwanitũ hau mia duawakĩ pepawakubainũwẽ.

Gênesis 3:12

hunĩ yuikĩ: —Hatũ ea merabewati aĩbu mĩ ea inãshinatũ hi bimi ea inã ẽ pishuki— aka

2 Samuel 2:5

nĩkatã benimakĩ hãtxa bumisbu Davĩ yunukĩ: “Eska hãtxa ea hatu yuishũtãwẽ: ‘Matũ shanẽ ibu Saul duawakĩ hawẽ yura pewakĩ mã maiwaimawẽ taeshũ hau Senhor Deusũ hawẽ pepawẽ matu duawakubaĩshanũwẽ.

Provérbios 31:31

Aĩbu pepa dayakapabu mae anu itxashũ yura dasibibũ hau kẽwãkubainũbũwẽ, haska hatu ashũkubaĩmis shinãkĩ yuikinã.

Lucas 17:10

Maturã mã habiaskari keskaki. Haskakẽ hawara Deusũ matu yunua atã ibubis keãma yuikĩ: “Ẽ shanẽ ibũ ea yunuas besti ẽ akubainaii. Ẽ hawẽ tsuma bestiki”, ikĩ hawara matu yunua ha besti xinãkĩ ashũkĩ ha dukũ meneshũkubaĩkãwẽ, hawa txikixamarã— hatu wanikiaki.

Lucas 18:11

Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.

Rute 3:10

Boazĩ kemakĩ yuikĩ: —Senhor Deusũ hau mia duawakĩ pepawashanũwẽ. Mĩ bene ma mawabiaimakẽ mĩ benẽ ewa heneama mĩ aĩbu pepahairaki. Dasibibũ mia uĩkanikiki. Mabuya kasmai, mabuuma nukunabu huni betsa hawẽrua pepari ea keskama berunã duakabi bene wakatsi mĩ hatu benama hakia mĩ ea anu besti hushuki.

1 Samuel 13:10

keyuaya Samuel hui hikiaya ikĩ haki nukui kashũ Saulũ pe hãtxa wabia

1 Samuel 15:11

—Pe dabanẽ Saul ẽ shanẽ ibu wani ẽ yunua ea akĩ pewashunama natiã ma ea heneawẽ taeshũ ẽ ma heneaki— aka haskakiri Samuel shinãma bika tenekĩ hau putayamanũ meshu txai tanakĩ Samuelĩ Senhor Deus Saulkiri yukashũshini

1 Samuel 15:20

Saulũ kemakĩ yuikĩ: —Haska Senhor Deusũ ea yunushina txibãkĩ hawẽ yunuawẽ taeshũ ẽ ma akĩ keyushũshinaki. Amaleque nawabu dasibi tenã keyutã hanushũ Amaleque shanẽ ibu Agague neashinabu ẽ iweshinaki.

1 Samuel 15:9

hakia Saul inũ hawẽ detenamenikabũ Agague atxishũ mekeyutã hanushũ hatũ txashuwã bene inũ, yushã pepabu inũ, ina awa bene inũ, yushã shua detekĩ tenãma hakia hatũ mabu pepa karu betsa meketã hanushũ hatũ mabu pepa beshmas inũ hatũ mabu atimapa sharabu besti dera dera akĩ txakabuwakĩ keyuabũ