1 Samuel 14:6 - Kaxinawá Bíblia (BR)

⁶ hanushũ hawẽ merabewanika Jônatasã yuikĩ: —Filisteu nawa detenamenikabu hawa nukũ Deus unãbuma anu hatuki kemai ukeri kesha betsauri kawanãwẽ, Senhor Deusũ nukuwẽ taeshũ nuku merabewatirumẽkainã. Senhor Deusũ hawẽ maemati kushiparã, hawa bikamaki. Huni itxapawẽ kasmai huni eskarabeswẽ Senhor Deusũ nuku hatu maemamatiruki— aka

1 Samuel 14:6 Referencias Cruzadas

2 Samuel 1:20

Gate anu kashũ hatu banabimayamakãwẽ. Ha dikabi Asquelom bai tanabaĩkĩ hatu yuiriakubaĩyamakãwẽ, hau Filisteu nawa aĩbuaibu Deus ikũwãbumã haska kaka nĩkatã benimai hau ishtxu ishtxu iyamanũbunã.

2 Samuel 16:12

Haska ikis ea bika tenemaibũ Senhor Deusũ uĩkĩ ekiri pe shinãkĩ ea ana duawakubaĩshanimẽkaĩ, na yuputi hãtxa txakabu ẽ nĩkai keskamarã— hatu wabaini

2 Reis 19:4

Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Mateus 19:26

nukuwẽ nuikĩ Jesusũ ana yuikĩ: —Dateyamakãwẽ. Yurabũ haska watirubumahairabiakẽ Deus nuikipatũ dasibi matu ashũtiruki— nuku waya

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Juízes 15:18

Hanushũ ũpash manuhairakĩ Senhor Deus kenatã yuikĩ: —Mĩ ea merabewa hatu detekĩ ẽ maemakĩ keyubiashukẽ haskakĩ natiã ũpash manui mia ikũwãbuma anua ẽ mawaya mĩ ea heneai?— aka

1 Samuel 14:5

mishki mati keyatapa betsa Micmás bebũ nortekiri nia inũ betsa Gibeá bebũ sulkiri niriakẽ

1 Samuel 14:7

kemakĩ hawẽ tsumapã yuikĩ: —Haskakenã, haska mĩ shinaĩ keska akubaĩwẽ. Hawara mĩ shinaĩ ẽ mia txibãkĩ ashũkubaĩtiruki— aka

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya

1 Samuel 17:36

Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.

1 Samuel 17:46

Haskawẽ taeshũ Senhor Deusũ ea merabewa ẽ mia maemaya ikis mia detekĩ tenãtã mĩ bushka ẽ mia teshteaii. Ha dikabi mã Filisteu detenamenikabu ẽ matu tenã matũ nami peiyabu inũ pianãbu ẽ matu inaiĩ. Ẽ matu haska waya mai hirabi anu hiwebaunabũ Israelĩ enabũ mekenika Deus kushipahaira haya unãshãkanikiki.

1 Samuel 17:47

Na nenu nũ detenamei itxaburã, nukuburã, hawa matxatu txaipa kenuhaira inũ hashiwẽ Senhor Deusũ nuku detenamemakĩ hiwemama dasibibũ mã unaiĩ. Na detenamei nũ huarã, Senhor Deusunaki. Haskakẽ Senhor Deusũ matube detenamemakĩ nuku matu maemamaikiki— aka

1 Samuel 31:4

hawẽ detenameti mabu bushunika hawẽ tsuma Saulũ yuikĩ: —Hawa Deus umabũ ea atxitã eaya kashekĩ ea bika tenematirubuki. Hau habuã ea tenãyamanũbũ miã mĩ matxatu txaipa kenuhaira sitã ea detekĩ tenãwẽ— aka hakia hawẽ tsuma hawẽ datekĩ haska yunua akamawẽ taea haska uĩtã Saul ibubis hawẽ matxatu txaipa maiki timatã haki beukaini tatxakash iki hawẽ matxatu debuwẽ txatxitã hawaira debuaya