1 Samuel 14:33 - Kaxinawá Bíblia (BR)

³³ hakia hatiri bushũ Saul yuikĩ: —Senhor Deusũ hãtxa danãkĩ txakabuwakĩ nami pasha himiyabi pikanikiki— akabu Saulũ kemakĩ hatu yuikĩ: —Matũmebi mã txibã pewaismaki, kanekĩ txakabuwairã. Mishki ewapahaira tarãbirã nenu ea beshũkãwẽ.

1 Samuel 14:33 Referencias Cruzadas

Gênesis 9:4

Eska besti ẽ matu nemaii. Yuinaka nami himi kauanama piyamashãkãwẽ. Hamẽ himinã, yura hiwemamiswẽ taeshũ nami hawẽ himiyabi piyamashãkãwẽ.

Mateus 7:5

Hakia bemakis beparamei hãtxamisbuũ, maturi txakabubia betsã txakabuai uĩkĩ mã ha amiski. Mã hi hirabi betimanabia tsekashũ puta keska watã matũ huĩti meranua matũ txakabu ewapa putatã ana kaneama merabenãkĩ hi pese mĩ haibũ beru anua bia keska wakĩ huni betsã txakabu beshmas hayari merabewakĩ mã yusĩtiruki.

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

Romanos 2:1

Haska txakabu tibiwẽ yura betsabu ikai tsuãra uĩtã xinãkĩ ha akĩ txitenũ ishũ mã amis kasmai mã atirurã, habias txakabu mã haya matũmebi mã daketapatirubuki. Habiaska tibi habubetã mã abiamiswẽ taearã, haskawẽ taeshũ shanẽ ibu bebũshũ matu txiteaibu mã hawa nematirubumaki.

1 Samuel 14:34

Haska watãshũ hatũ ina awa inũ hatũ txashuwã bestibu tibitũ hau nenu benũbũ hatu yuikubaũtãkãwẽ. Nenu beshũ tesẽshũ hawẽ himi habai keyuaya meshte meshte ashũ bawashũ pitirubuki, nami pasha himiyabi pi txakabukĩ Senhor Deus ana sinatamamarã— hatu wa hatu yuibaunabu habias meshuki bestibu tibitũ ibubis hatũ ina awa beshũ tesẽshũ himi habawakĩ keyutã bawashũ pikĩ keyuabũ