1 Samuel 14:18 - Kaxinawá Bíblia (BR)

¹⁸ Israelĩ enabu detenamenikabu anu Deusbe hatu hãtxashunikã tari éfode ma beshiã Aías Saulũ yunukĩ yuikĩ: —Deusbe yubakani tari éfode nenu bewe— aka

1 Samuel 14:18 Referencias Cruzadas

2 Samuel 11:11

kemakĩ Uriasĩ yuikĩ: —Hi pũyã tinĩ wãshũ shubu keska washũ Senhor Deusũ hãtxa aruni bau tsauĩmabu habias keska anu Israelĩ enabu 10 shukuabu Jerusalém nortekiri hiweabu detenamenikabu inũ Judá enabu detenamenikaburi pi ushakanikiki. Ẽ detenamenika shanẽ ibu Joabe inũ mĩ shanẽ ibu beshmasbu habias anuri kene anuma nashabakã ushariakubaĩkanikiki. Detenameaibu keskai ẽ hiwe anu hikishũ pikĩ nushukĩ ẽ aĩ txutakĩ haska dasibi betsa betsapa ẽ atirumaki, bika tenebiakinã— aka

Números 27:21

Mĩ ana hiweamakẽ hawara ea yukakatsi iki ebe hatu hãtxashunika Eleazar anu Josué kashũ hawarakiri Eleazarki txania hanushũ ẽ kenawẽ taeshũ Eleazar hawẽ unãti wati Urim hiweawẽ ea yukatã Josué unãma hanushũ ha unãti txibãkĩ Israelĩ enabu hamapai tibi hatu ashũkubaĩshanikiki— aka

1 Samuel 14:17

haska nĩkatã hawẽ detenamenikabu habe itxabu Saulũ hatu yuikĩ: —Tsua nukunabu nenu hayamamẽkaĩ, hatu benabaũkãwẽ— hatu wa tanakĩ uĩbaũkĩ Jônatas inũ hawẽ tsuma hayama uĩtã Saul yuiabu,

1 Samuel 14:36

Haska hatu pewatã Saulũ hatu yuikĩ: —Ikis na meshu merã butubaĩ Filisteu nawabu ana hatu berutã detekubaĩkĩ penariama tsua betsa taska teshe wakĩ hiwemayamashãkãwẽ— hatu wa dasibibũ yuikĩ: —Haska mĩ shinaĩ keska akubaĩwẽ— akeakeabu hakia hawenabu Deusbe hatu hãtxashunika Aíasĩ Saul yuikĩ: —Hawara nũ akatsis ikai ariama Senhor Deus yukakĩ taewanãwẽ— aka

1 Samuel 5:2

hatũ mekenika yushĩ Dagom kẽwãti hiwe merã bitxikĩ yushĩ dami Dagom dapi bushũ tsaũtanabu

1 Samuel 7:1

Quiriate-Jearim anu hiweabu beshũ Senhor Deusũ hãtxa aruni bau biwãkĩ hatũ mae anu bushũ mati mananã anu Abinadabẽ hiwe uke merã bitxishũ hau mekekubaĩshanũ hawẽ huni bake Eleazar katushũ hau hatũ mekenũ meribi watã yununibukiaki.