1 Samuel 13:9 - Kaxinawá Bíblia (BR)

⁹ hanushũ Saulũ yunukĩ hatu yuikĩ: —Inabu ea beshũrikãwẽ. Hawẽ sheni menu keyushũ hawẽ daewati nami nũ pinũbunã— hatu wa beshuãbu tesẽshũ hawẽ sheni dashpeshũ inãbu Saulũ ibubis hawẽ sheni menu

1 Samuel 13:9 Referencias Cruzadas

1 Reis 3:4

mae Gibeão anu mati keyatapa anushũ hanushũs yurã kaiã itxapahairatũ betxipaikĩ Senhor Deus kẽwaĩ bumisbu anu inabu nami inũ sheni inĩti Senhor Deus kuashunũ ika Salomão habianuri kariashũ 1.000 txashuwã hatu tesẽmakubaĩkĩ txiwẽ txashuwã bushĩshũ bestibu tibi hatu menu keyumakubaĩkĩ Salomãonẽ Senhor Deus benimawakubaina

Salmos 37:7

Hawara Senhor Deus anua mĩ manakairã, hĩ hĩ ikĩ hawa yuiama mĩ shinanẽ besti Deuski txanitã manakubaĩwẽ. Hatũ mia merabewashanikiki. Hakia huni betsa txakabu atimapa akatsi yubakamisburã, haskawẽ hiwekaĩkĩ tsuabura maematirubumaki. Haskawẽ taea hatuki sinatayamakũkaĩwẽ.

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Provérbios 20:22

Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Provérbios 21:27

Huni txakabubũ shinã txakabiakĩ Senhor Deus daewanũ, iwanã, inabu sheni hatu kuamakĩ ha huni txakabubũ inãbiabu Senhor Deusũ hatu danãkĩ betxipaismaki.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Deuteronômio 12:5

Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.

Deuteronômio 12:6

Ha Senhor Deus benimawati inabu menukĩ keyuti inũ, dízimo inãti inũ, hamapai merabenãti inũ, haki tanai bebũkiri mĩ yubakaima inãkuĩti inũ, matũ shinanẽ besti inãkuĩti inũ, habu dukũ ina awa bake bene inũ txashuwã kaiaĩbu ha hiwe anu hari dasibi hatu inãkĩ bupakeshãkãwẽ.

1 Samuel 14:18

Israelĩ enabu detenamenikabu anu Deusbe hatu hãtxashunikã tari éfode ma beshiã Aías Saulũ yunukĩ yuikĩ: —Deusbe yubakani tari éfode nenu bewe— aka