1 Samuel 12:8 - Kaxinawá Bíblia (BR)

⁸ Jacó inũ hawẽ bakebu inũ hawẽ bababu Egito anu hikiabu txipu hatu itxakawakubainaibũ hau hatu merabewanũ matũ shenipabu kashakĩ yukaibu Senhor Deusũ Moisés inũ Arão hatu anu yununikiaki. Egito anua ha dabetũ matũ shenipabu iwekubirãkĩ na mai anu matũ shenipabu hatu hiwemanibuki.

1 Samuel 12:8 Referencias Cruzadas

Números 20:15

Nukũ shenipabu Egito anu bua hari bari itxapa hiweyunibuki. Hanushũ Egito nawabũ nukũ shenipabu tsuma watã itxakawanishũ habiaskari wakĩ nukuri itxakawakubirãpaunibuki.

Hechos 7:15

Haskawẽ taea Jacó, hawẽ kena betsa Israel, Egito anu kaima hiwea hanua mawa hanu maiwati tãpe Hamorĩ bakebũ hawẽ hutxi Abraão peiwẽ inãnibu Siquém anu hawẽ yura bushũ maiwatãnibukiaki. Israelĩ bakebu inũ hawẽ baba itxapaburi Egito anuari mawakubainibukiaki— iwanã,

Josué 1:6

Ha mĩ shenipabu hatu ibu wamakatsi ẽ hatu yubani anu minabu iyukĩ mai pakea tibi mĩ hatu ibuwamakĩ pashkashũshanaiwẽ taea kushipai hawa dateama txĩtũtaskayamashãwẽ.

1 Samuel 10:18

bei itxabu hatu yuikĩ: —Eska Israelĩ mekenika Senhor Deusũ ea yuishina matu yuinũ ea nĩkakãwẽ. “Matũ shenipabu Israelĩ enabu tashnimakĩ ẽ hatu iweniki, Egito anuarã. Egito nawabũ hatu ana atxipaiaya ẽ kushipawẽ ẽ hatu yamawaniki. Bekubiranaibu nawabu shanẽ ibu tibibũ hatu itxakawapanãbũ ẽ hatu maemashũkubiraniki”, ea washiãki.

1 Samuel 12:6

Samuelĩ ana hatu yuikĩ: —Moisés inũ Arão Senhor Deusũ hatu kushipa watã hatu merabewakĩ Egito anua Senhor Deusũ matũ shenipabu hatu tashnimabiraniki.