1 Samuel 12:13 - Kaxinawá Bíblia (BR)

¹³ Haska betxipaikĩ matũ yununika shanẽ ibu mã katuimarã, na ma nia. Haska mã ewẽ taeshũ mã yuka Senhor Deusũ ma matũ shanẽ ibu katushũ yunushinaki.

1 Samuel 12:13 Referencias Cruzadas

Hechos 13:21

hanushũ habuã hau hatũ mai hirabi mekẽnũ huni hatũ shanẽ ibuhairawanũ ika Deus ea akaibũ Benjamimnẽ baba Quisĩ bake Saul Deusũ katushũ yunua shanẽ ibukĩ 40 ano nitxiãyã

1 Samuel 10:24

Samuelĩ hatu dasibi yuikĩ: —Matũ yununika shanẽ ibu kushipahaira ikũkaĩshanũ na huni Senhor Deusũ ma katushu mã uiaiĩ. Israelĩ enabu tsua haska keska hayamaki— hatu wa kemakĩ hui kushipawẽ dasibibũ yuikĩ: —Bari itxapa hau hiwepakeshanũwẽ, nukũ shanẽ ibuhairarã— akĩ keyuaibũ

1 Samuel 11:15

nĩkatã dasibi Gilgal anu bui mapekei hikishũ Senhor Deuski nukuti tari hiwe bebũshũ dasibibũ yuikĩ: “Saul nukũ shanẽ ibu kushipahairaki”, atã hanushũ inabu tesẽshũ hawẽ nami bawashũ pi besi Saul inũ Israelĩ enabu dasibi Senhor Deus daewai habe haibunamei benimahairanibukiaki.

1 Samuel 12:17

Ikis shekiwã trigo tsekamisbutiã ui ismaki. Txanimamẽ? Hakia na habiatiã ẽ Senhor Deus yukaiwẽ taeshũ uiyabi kana tũ imakĩ Senhor Deusũ ui yunuikiki, ikisrã. Shanẽ ibu kushipa betsa ea yukai mã txakabuhairaimaki. Natiã mã tapĩkĩ unãtirubuki, Senhor Deusũ matu uĩmayarã— hatu watã

1 Samuel 12:19

dasibibũ Samuel yuikĩ: —Txakabu hayahairabia shinã txakakĩ ana nukũ txakabu matsãkĩ hamamaki nũ yununika shanẽ ibu kushipahaira yuka ikima ha shinãma hau nũ mawayamanũ mĩ Shanẽ Ibu Senhor Deus ea akĩ nuku yukashũwẽ, nũ mĩ tsumaburã— akeakeabu

1 Samuel 8:5

yuikĩ: “Anibui mĩ ma babuaii. Mĩ huni bake dabetunã, mĩ nuku amis keska nuku pewabumaki. Haskawẽ taeshũ hau nuku yunukubaĩshanũ yununika shanẽ ibuhaira katukĩ nuku yunushũwẽ, mae betsa betsapa anu nawa hiwebaunabũ beya hayabu keskarã”, akeakeabu

1 Samuel 9:20

Hakia ha matũ jumenta mã benushina 3 dia mã benairã, ana hawẽ nuiyamawe, ma betxishinabukirã. Ha dikabi, Israelĩ enabu habũ matu betxipaiaiburã, mã matubuki, mĩ miarã— aka