1 Samuel 11:11 - Kaxinawá Bíblia (BR)

¹¹ ushashĩkĩ Saulũ hawẽ detenamenikabu hatu pashkakĩ 3 shuku watã hune hatu iyukĩ meshu merã hawa hãtxai banama ma pena kemaya Amom nawabu bestẽriabuma anu hatũ tari hiwe pũtebaunabu anu hikibaĩkĩ hatu detetiyashũ hatu detekubaĩkĩ bari mananãbi hatu keyuabu Amom nawabu hatiri pashai kushibaini besti dasiabu hawa huni dabe nia tsuã betxiamakẽ

1 Samuel 11:11 Referencias Cruzadas

Gênesis 22:14

Haska watã Abraão ha mati kenakinã: “Na mati Senhor Deusũ hatu yupa watirumaki”, anikiaki. Na habiatiãri ikis yurabũ habiariri kenariakĩ heneisbumaki.

2 Samuel 18:2

dasibibũ detenamenikabu shanẽ ibuhaira dabe inũ besti katukĩ Zeruiã bake Joabe inũ, Joabẽ betsa Abisai inũ, Gate anua Filisteu nawa Itai katushũ hau hatu yunukubainũbũ hati shukua detenamenika Joabe anu yunukĩ hati shukua betsa habiatiri detenamenika Abisai anu yunukĩ hati teshekãshu habiatiri detenamenika Itai anu yunukĩ keyutã hawẽ detenamenikabu dasibi Davĩ hatu yuikĩ: —Mã detenamei kayarã, ẽ matube kaii— hatu wa

Salmos 46:1

Hawara bikahaira nũ teneai nukũ Deusũ nuku merabewamiski. Nuku keshekĩ nuku arua tsuã nuku metiruma Deus nukũ kushipahairaki.

Mateus 7:2

Hamẽ hatuwẽ nuiama txitekĩ mã hatu ha amiskẽ habiaskari wakĩ Deusũ ha mã hãtxai ha imiswẽ Deusũ matu ha akĩ txiteriashanikiki. Ha inũ, habias xinãwẽri mĩ hatu unãti wamiswẽ Deusũ maturi unãti washanikiki, kaneamarã.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

Juízes 4:16

hawẽ cavalo tarãtikia detenamenika mapubainaibu inũ hawẽ detenamenikabu pashaibu detenũ ika hawenabubetã Baraquenẽ hatu txibãbaĩkĩ hatũ maewã Harosete-Hagoim anu hikipanãbu Baraquenẽ enabũ hatu detekĩ keyukubaĩkĩ Síserã detenamenikabu dasibi hatu tenã keyunibukiaki, tsua hiwemamarã.

Juízes 7:16

hawẽ 300 hunibu pashkakĩ shuku dabe inũ besti hatu watã huni tibi txashuwã mashũ puri ati inũ shumu shaka Gideãonẽ hatu inã dasibibũ shumu merã bĩ dekutã huneshũ buaibũ

Juízes 7:20

hanushũ ha shuku dabetũri hatu nĩkatã hatũ txashuwã mashũ hanus puri akĩ txã txã akĩ shumu tsumabainabu pusariatã hatũ bĩ txashawariakĩ dasibibũ mekẽ yusmauriawẽ bĩ txashai sanãkĩ mekẽ yusiuri txashuwã mashũ puri ati bukĩ hui kushipawẽ sai ikĩ: “Senhor Deus inũ Gideãowẽ nũ detenameaii!” ikaibũ

1 Samuel 11:2

Amom nawa shanẽ ibu Naásũ hatu kemakĩ yuikĩ: —Matube yubakakatsi ikirã, ha dukũ matũ beru yusiuria matu tseka keyu bestitã hanu ẽ matube yubakatiruki. Israelĩ enabu dasibi ẽ hatu itxakawa haska mapuabu hatuki kasheabu dakeaibu ẽ uĩkatsis ikaii— hatu wa

1 Samuel 14:47

Hatu haska watã tsuã ana nematirubuma Israelĩ enabu dasibi yunukubaĩkĩ Saul shanẽ ibuhairakĩ nawabu hiwebaunabu haki sinataibu hatu nemakĩ maemakubainikiaki. Moabe nawabu inũ, Amom nawabu inũ, Edom nawabu inũ, mae betsa Zobá anua shanẽ ibubu inũ, Filisteu nawaburã, hanira hatũ mae anu kakĩ hatu maemakubaĩpaunikiaki.