1 Samuel 10:5 - Kaxinawá Bíblia (BR)

⁵ Ana kakũkaini mae betsa Senhor Deusũ Gibeá hanu Filisteu nawa detenamenikabũ keshea hiweabu anu mĩ ma kemai hikikẽ meribi mananã anua Deusũ hãtxa yuishunikabu nishi paewẽ paeã keska benimai butubiranai bei Deuskiri hãtxai bekubiranaibũ hatu bebũ harpa inũ xaxa ati inũ teperewe inu mimawati betsa mawakubiranaibuki mĩ hatuki nukushanaii.

1 Samuel 10:5 Referencias Cruzadas

1 Reis 18:29

ma bari mananãbi binukainaya hawa heneama nishi pae aka paeã keska unãyamasi sai sai iki ishtxu ishtxu ibiakubainaibũ tsuã nĩkatã hawa tsuã huiwẽ hatu kemamakẽ ma hanu bari kaitiã Jerusalém anushũ Senhor Deusũ kẽwãti hiwe anushũ inabu hirabi hanu hatu kuashũmisbu kemaya Baalĩ hãtxa yuishunika dasibibũ yukakĩ heneaibũ tsuã hawa kemama inũ tsuã hawa hatu nĩkamawẽ taeshũ

2 Reis 2:15

kesha betsauri Deusũ hãtxa yuishunikabu Jericó anu hiweabu haska hene tuash atã pukebirani Eliseu huai uĩkĩ yuikĩ: “Uĩkãwẽ! Eliasĩ yushĩ Eliseu mamaki ma butuaki”, iake iaketã haki nukunũ ika bui Eliseu bebũ maĩ di iki beutã

2 Reis 2:3

hanua Betel anua Deusũ hãtxa yuishunikabu betsabu hiweabu kaĩbaini Eliseuki nukushũ yuikĩ: —Senhor Deusũ mĩ huni yusinã mia ikis mebiainã, mĩ ma unaĩ?— akabu hatu kemakĩ yuikĩ: —Haa. Ma habiaska ẽ unaiĩ. Hakia matunã, hawa hatu yuiyamakãwẽ— hatu wa

2 Reis 2:5

hanua Jericó anua Deusũ hãtxa yuishunikabu betsabu hiweabu kaĩbaini Eliseuki nukushũ yuikĩ: —Senhor Deusũ mĩ huni yusinã mia ikis mebiainã, mĩ ma unaĩ?— akabu Eliseũ hatu kemakĩ yuikĩ: —Haa. Ma habiaska ẽ unaiĩ. Hakia matunã, hawa hatu yuiyamakãwẽ— hatu wa

2 Reis 2:7

50 Deusũ hãtxa yuishunikabũ hatu txibaĩ hatu itxũ buaibũ ha dabe habu bebũ benãta mapushũ uiaĩbũ Hene Jordão kesha anu Elias inũ Eliseu nitã

2 Reis 6:1

Txipu shaba betsatiã Deusũ hãtxa yuishunikabu Eliseube hiweshũ betsã Eliseu yuikĩ: —Uiã. Mibe hiwea hanu nũ ushamis dĩtu hashuhairaki.

1 Coríntios 14:1

Ha dukũ yura betsabuwẽ duapai mã nuitiru tapĩkubaĩkĩ Deusũ Yushĩ Pepatũ kuxipawẽ hawara Deus mã dayashũkatsis ikai yukakubaĩkãwẽ. Hakia Deusũ Yushĩnĩ matu dayamai hau hawẽ hãtxa shabakabi Deus yuishũkĩ hawẽ yurabu yusĩkubaĩkĩ henetima yukakubaĩkãwẽ.

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya

1 Samuel 10:4

habũ mia yukakĩ: “Haskaramẽ?” mia watã mia misi dabe inãshãkanikiki. Bishãwẽ.

1 Samuel 13:2

detenamenika hau ikubaĩshanũbũ Israelĩ enabu 3.000 huni detenamenikabu katukẽ Betel manã mati matipa anu mae betsa Micmás anu 2.000 detenamenikabu habe bashikuabu hanua 1.000 detenamenikabu hawẽ huni bake iyua Jônatasbe hawẽ epa Saulũ yunua Benjamimnẽ enabũ maiwã pakea Gibeá anu hari hatu binukĩ keshemai kakẽ hanua hatiri yurabu tesheabu hau hatũ hiwetã bunũbũ Saulũ hatu yunua buabũ

1 Samuel 13:3

Filisteu nawa detenamenikabu Gibeá anu kesheabu Jônatasã hawẽ detenamenikabubetã hatu detekĩ Gibeá anua hatu nitxĩkĩ keyua hatu haska wa hatũ maewã anushũ Filisteu nawa shanẽ ibubũ nĩkatã unaĩbũ hanushũ Hebreu nawabũ hau nĩka keyubaunũbũ Israelĩ enabu maiwã pakea tibi anushũ hau txashuwã mashũ txã txã akubaunũbũ Saulũ hatu yunua

1 Samuel 19:20

ana Davi hau haria atxitanũbũ hawẽ tsumabu Saulũ ana hatu yunua bui kemashũ Deusũ hãtxa yuishunikabu Samuelĩ hatu imaya nishi paewẽ paeã keska benimakĩ Deus kẽwãkubiranaibu uiãbũ hawaira Deusũ Yushinĩ Saulũ tsumabu haburi hatu betsa wa Deusũ hãtxa yuishunikariai nishi paewẽ paeã keska benimakĩ hatubetã Deus kẽwaĩbũ Davi tsuã hawa wama

1 Samuel 9:12

txipashbũ kemakĩ yuikĩ: —Heẽ. Na habianua mã haki nukutiruki. Mananã meribi harishũ Deus kẽwãmisbu anushũ nami hatu pimai nukũ mae anu ma huaki. Menã hawairabaĩ haki nukuritãkãwẽ.