1 Samuel 10:3 - Kaxinawá Bíblia (BR)

³ nĩkabaini ana unuri bai tanabaini kai Tabor anu hi ewapa kushipa hawẽ kena carvalho anu 3 huniki mĩ hatuki nukui kaii. Habũ Deus kẽwaĩ Betel anu mapekei bei ha dukũ bebukirãkĩ 3 cabra bake iabainũ hanua betsã 3 misi ewapa tsumashũ benũ hanushũ betsãri txashuwã bitxi sakuki vinho mata iabiranai mĩ hatuki nukuaya

1 Samuel 10:3 Referencias Cruzadas

Gênesis 28:19

Haskakẽ uatiã ha mae ha dukũ nawabũ kenakĩ: “Luzki”, anibu hanushũ Jacó kena bena maewakĩ: “Betelki, Hanu Deus Hiwea Maerã”, anikiaki.

Gênesis 35:1

Hanushũ hatu haska washiãbũ Deusũ Jacó yunukĩ: —Minabu pewatã Betel anu hiwei kawe. Hanu hiwea mĩ Esaú anua pashaya ẽ miki nukua mĩ namaya ẽ mibe hãtxani anu ha mishki txi tapu hanushũ mĩ ea kẽwãtiru ashãwẽ— aka

Gênesis 35:3

hanu Deus hiwea mae Betel anu bunãkãwẽ. Ẽ nuitapakaini kai hanira ẽ kapanã Deusũ ea unãkĩ merabewakĩ ea hãtxa wani hanira ẽ kaya ebe kakũkaĩmiski, ea haska wamiswẽ taeshũ Deus kẽwãkĩ mishki txi tapu wakĩ mishki itxawakĩ maspu watã ẽ txashuwã bake teshteshũ ẽ menu keyushuni kairã— hatu wa

Juízes 4:12

Mati Tabor Baraque hawẽ detenamenikabube ma mapekekẽ Abinoão bake Sísera banabimabu

Juízes 4:6

Shaba betsatiã Senhor Deusũ ma tapĩmakẽ Jacó huni bake Naftalĩ enabu Abinoão huni bake Baraque hawẽ mae Quedes anua hau hunũ Déborã huni betsa yunua kashũ yuitana ma hukẽ Déborã Baraque yuikĩ: —Israelĩ enabu mekenika Senhor Deusũ eska mia yunuikiki, ea nĩkawe, mia yuinunã: “Jacó huni bake Naftali inũ Zebulom enabu shukuabu anua 10.000 detenamenikabu katushũ Mati Tabor anu hatube katãshãwẽ.

1 Samuel 10:4

habũ mia yukakĩ: “Haskaramẽ?” mia watã mia misi dabe inãshãkanikiki. Bishãwẽ.