1 Samuel 10:19 - Kaxinawá Bíblia (BR)

¹⁹ Hakia habũ matu txakabuwakĩ bika tenemaibu matũ mekenika Deusũ matu merabewakĩ matu nemashũbiakubirana ha besti txitikatsi ikama natiã mã ha danãkĩ yununika shanẽ ibu kushipahaira mã ea yukaimawẽ taea na habiatiã Senhor Deus bebũ Jacó huni bake tibitũ enabu shukuabu tibi itxatã hanua hawenabu tibi anua Senhor Deus bebũ hau bebirã bebiranũbũwẽ— hatu wa

1 Samuel 10:19 Referencias Cruzadas

Provérbios 16:33

Hunibũ hamapai bikatsi hawẽ hamapai unãti shau meshte númeroya ureãbu haratukira número kaiaĩ Senhor Deusũ katukĩ hatu unãmamiski.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Josué 24:1

bari betsatiã Siquém mae anushũ Josué Israelĩ enabu shukua dasibi hatu itxawatã hanushũ hatũ shanẽ ibubu inũ, hatũ shanẽ ibu beshmasbu inũ, ha irabeaibu unãshũ hatu pewanikabu inũ, mekenika betsabu hau Deus bebũ mapui benũbũ hatu kena bea ha dapi mapuabũ

1 Samuel 10:20

Samuel hatu yunuaya Jacó huni bake tibitũ enabu bebirã bebiranaibu hawẽ unãti betsa watã haya inũ hayama watã Benjamimnẽ enabu anua Samuel hawẽ hatu katutã

1 Samuel 12:12

Hakia matũ mekenika Senhor Deus matũ shanẽ ibu kayabibiakẽ Amom nawabu shanẽ ibu Naásũ matu detenũ ika hawẽ detenamenikabu matu dapi iweaya uĩ hatuwẽ datekĩ hau hatũ nuku yunukubaĩshanũ yununika shanẽ ibu kushipahaira nuku katushũwẽ, iwanã, mã ea yukaimaki.

1 Samuel 14:23

Bete-Áven anushũ hatu dete keyutã txĩtũtanibukiaki. Haska wakĩ Senhor Deusũ Israelĩ enabu merabewakĩ Filisteu nawabu hatu putamanikiaki.

1 Samuel 14:38

haskakĩ Senhor Deusũ hawa yuiama tapĩkatsi ikĩ Saulũ hawenabu yuikĩ: —Detenamenika shanẽ ibu dasibibube nenu bekãwã, tsuã na habiatiã txakabuwakĩ mã kaneshumẽkaĩ, nũ tapinunã.

1 Samuel 3:21

Siló anu Samuel hiwekẽ habianuas Senhor Deusũ hawẽ hãtxa shabakabi Samuel ana yusĩkubainaya

1 Samuel 4:1

Samuelĩ Deusũ hãtxa nĩkatã Israelĩ enabu mae tibi hatu yusĩkubainaya shaba betsatiã Israelĩ enabu hatu detenũ ika Filisteu nawabu itxatã bei Afeca anu hatũ tari hiwe pũtebaunabũ hatu maemai hatube detenamenũ ika Israelĩ enaburi buriai Filisteu nawabu maniabu bebũ Ebenézer anu itxatã hatũ tari hiwe pũteriabaunabũ

1 Samuel 8:19

Samuelĩ hatu mesewabia hawẽ hãtxa nĩkabuma Israelĩ enabu anibu unanepa shanẽ ibubũ kemakĩ yuikĩ: —Habiaskabiakẽ yununika shanẽ ibu kushipahaira nũ hayakatsis ikaii. Dasibi mae betsa betsapa hiwebaunabu keskairã, yunukĩ nuku mekekĩ nukũ detenamenikabube tsuabura nukuki sinataibu nuku maemashũkubaĩshanunã— akeakeabu

1 Samuel 8:5

yuikĩ: “Anibui mĩ ma babuaii. Mĩ huni bake dabetunã, mĩ nuku amis keska nuku pewabumaki. Haskawẽ taeshũ hau nuku yunukubaĩshanũ yununika shanẽ ibuhaira katukĩ nuku yunushũwẽ, mae betsa betsapa anu nawa hiwebaunabũ beya hayabu keskarã”, akeakeabu