1 Samuel 10:1 - Kaxinawá Bíblia (BR)

¹ hanua ha dabe niti itã bishtu oliva sheni mata Samuelĩ bitã Saul mashu atã hatũ beya txibãkĩ tãtsu akĩ yuikĩ: —Senhor Deusũ mia katukĩ meribi waikiki, Israelĩ enabu, hawenabukirirã, shanẽ ibushũkĩ mĩ hatu yunubaĩshanunã. Hatu yunukubaĩkĩ tsuabura hatuki sinatakĩ minabu itxakawakĩ bika tenemakubaini hatu dapi hiwebaunabu nemakĩ hatu henemakĩ keyukĩ Israelĩ enabu mĩ yunukubaĩshanaii. Eska ikis ẽ mia yuiai keska mĩ haki nuku akeakekainai ẽ mia shinãmaii, hawẽ unãti tibirã, haska Senhor Deusũ mia ma katua mĩ kairã.

1 Samuel 10:1 Referencias Cruzadas

2 Samuel 1:14

hanushũ hãtxa kushipawẽ Davĩ yuikĩ: —Shanẽ ibu wakĩ Senhor Deusũ katuni dateama haskakĩ mĩ nukũ shanẽ ibuhaira deteshinamẽ?— atã

2 Samuel 19:39

huni dasibi Hene Jordão pukebainaibũ shanẽ ibuhaira Davi pukekaĩ hatũ beyawẽ taeshũ Barzilai ikushũ tãtsu atã pe nitxiã hawẽ mae anu Barzilai txĩtũkaini atimas hikiaya,

2 Samuel 20:19

Nukũ maewã Israelĩ enabũ ewa keskaki. Nenu hawama unanuma nũ hiwemiski, Senhor Deus txibaĩ txĩtuãmarã. Nũ haskabiakẽ nukũ maewã yamawanũ ishũ mĩ nuku haska wai? Haskakĩ Senhor Deusũ maewãbiakẽ mĩ yamawakatsis iki ikai?— aka

2 Samuel 5:2

Txanima Saul nukũ shanẽ ibubiakẽ miã Israel detenamenikabu mĩ hatu yunu pewakubaĩkĩ Filisteu nawabube mĩ hatu detenamemakubainimaki. Ha inũ, shanẽ ibukĩ Israelĩ enabu dasibi mĩ yunukubaĩshanũ katukĩ Senhor Deusũ mia yubanikiaki. Haskawẽ taea nukũ shanẽ ibu iriakũkaĩshãwẽ”, akeakeabu,

1 Reis 1:34

Harishũ Israelĩ enabu shanẽ ibuhaira hau hatu ishũshanũ hatu unãti wamakĩ mĩ nukunabu Deusbe hãtxashunika Zadoque inũ Deusũ hãtxa yuishunika Natãnẽ harishũ sheni ininipawẽ maukatãkãwẽ. Haska watã txashuwã mashũ hatu txã txã amakĩ: “Shanẽ ibuhaira Salomão hau hiwekũkaĩshanũwẽ”, akĩ dasibibũ hui kushipawẽ hatu yuimakubirãtãkãwẽ.

1 Reis 19:18

Habiaskabiakẽ enabu Israelĩ enaburã, Acabe shanẽ ibuaitianã, habũ yushibu Baal dami kẽwaĩ ha bebũ dãti ika dakashũ hawẽ tae hutsu hutsu akama ikubainimabu 7.000 yurabu ẽ hatu heneshanaii, hawa hatu tenã keyuamarã”, aka

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Hechos 13:21

hanushũ habuã hau hatũ mai hirabi mekẽnũ huni hatũ shanẽ ibuhairawanũ ika Deus ea akaibũ Benjamimnẽ baba Quisĩ bake Saul Deusũ katushũ yunua shanẽ ibukĩ 40 ano nitxiãyã

1 Tesalonicenses 5:26

Ha inũ, ikũwaĩ beaibu matũ betsa kayabi keska wakĩ hatu ikĩ beyawakubaĩshãkãwẽ, benimawakinã.

Hebreus 2:10

Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.

Apocalipse 5:8

hanua benimahairakĩ ha hiweabu dabe inũ dabe inũ, ha 24 mekenikabũ hatũ mimawati betsa hawẽ kena harpa inũ ouro mane kẽtxa ni pei inĩti ha kuashũti keska mata haska hawenabu Deusbe hãtxamisbu tsumashũri habu dasibibũ txashuwã bake kẽwaĩ haki dãti itã

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya

1 Samuel 13:14

Hakia mĩ shanẽ ibui taebiaimakẽ minaburi ikubainama ishanikiki. Haskawẽ taeshũ huni betsa pepa haska betxipaiai keska ashũtiru Senhor Deusũ ana katushanikiki, Israelĩ enabu shanẽ ibu betsa mistukinã— abaini

1 Samuel 15:1

Shaba betsatiã Samuelĩ Saul yuikĩ: —Deusũ enabu Israelbu mĩ hatũ shanẽ ibunũ ẽ mia katuima Senhor Deusũ eska mia yuikiki. Nĩkawe.

1 Samuel 15:17

Samuelĩ ana yuikĩ: —Ibubis mĩ haska hayatiruma mĩ shinãbiaya nĩkamas Israelĩ enabu mĩ hatu shanẽ ibuhairashunũ Senhor Deusũ mia katuima mĩ shinãma ishiãmẽ?

1 Samuel 16:1

Atimas Senhor Deusũ Samuel yuikĩ: —Saulwẽ taearã, hatiã hawẽ nui kashakũkaini mĩ hakimashanai? Israelĩ enabu Saul hatu shanẽ ibushũkũkainai ana haskai ẽ betxipaiamaki, mĩ haska shinainã. Menã benikaĩ ha piti sheni mĩ txashuwã mashũ bishtuki mata watã Belém anu huni betsa Jessé hiwea anua hawẽ huni bake betsa hau ha Israelĩ enabu shanẽ ibushũkũkaĩshanũ ẽ ma katushinawẽ taea hari katãwẽ— aka

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 2:10

Naiuria kana tũ ikaĩkainai hatuki yunua tsuabura haki sinataibu Senhor Deusũ hatu yamawakubaĩmiski, mishki ture ture aka keska wakinã. Shanẽ ibu katushũ kushipa inãni ana hawẽ kushipa binumatã Senhor Deusũ mai hirabi anu hiwebaunabu hawẽ unãti watã kupikĩ keyushanikiki”, ishĩkẽ

1 Samuel 24:6

Davĩ hawenabu hatu yuikĩ: —Ẽ shanẽ ibuhaira ẽ txakabuwai Senhor Deusũ ea nemashuki. Senhor Deusũ Saul katuniwẽ taea ha shanẽ ibuki— akĩ

1 Samuel 8:19

Samuelĩ hatu mesewabia hawẽ hãtxa nĩkabuma Israelĩ enabu anibu unanepa shanẽ ibubũ kemakĩ yuikĩ: —Habiaskabiakẽ yununika shanẽ ibu kushipahaira nũ hayakatsis ikaii. Dasibi mae betsa betsapa hiwebaunabu keskairã, yunukĩ nuku mekekĩ nukũ detenamenikabube tsuabura nukuki sinataibu nuku maemashũkubaĩshanunã— akeakeabu

1 Samuel 8:9

Haska mia yukaibu mĩ nĩkashurã, peki. Hatu katushũshãwẽ. Hakia mĩ hatu katushũriama haska hatũ yununika shanẽ ibu kushipahairatũ hatu yunukĩ amakubaĩshanai dasibi shabakabi bebũkiri hatu txitekĩ unãmawe, haska habũ dayashũshanaiburã”, aka

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ

1 Samuel 9:27

mae kesha anu butukaĩkĩ Samuelĩ Saul yuikĩ: —Hau mĩ dayaru ha dukũ bebukainũ nitxĩwẽ. Hakia mianã, ea manayuwe, eska Deusũ ea yuishina ẽ mibe hãtxairã— aka hawẽ dayaru nitxiã bebukaini ma kakẽ