1 Reis 1:9 - Kaxinawá Bíblia (BR)

⁹ shaba betsatiã: “Ẽ hatũ shanẽ ibuhaira ishanaii”, ikĩ hatu unãti wamanũ, iwanã, besi itamama wakatsi hawẽ tsumabu yunua Rogelĩ ũpash txatxa dapi Zoelete mai pakea kesha unãti mishki ewapa anushũ txashuwã inũ ina awa inũ ina awa bene yume bena hawẽ hubu meshtemisbu shuahairabu tesẽ keyushũ dashpe keyushũ hawẽ nami bawakĩ keyuriabuma Adoniasĩ betsabu Davĩ huni bake betsabu besti inũ Judá enabũ shanẽ ibuhaira Davi dayashũmisbu hatubetã pi benimakatsi Adoniasĩ hatu kena bea itxabũ

1 Reis 1:9 Referencias Cruzadas

2 Samuel 17:17

Jerusalém anushũ hau hatu uĩyamanũbũ Deusbe hawenabu hãtxashunikabũ huni bake dabe Jônatas inũ Aimaás hatu yunukĩ nitxiã mae betsa Jerusalém binubaũ hawẽ kena Rogel anushũ manai maniabũ hawẽ dayaru aĩbu yuia ha aĩbu hawaira kashũ hatu yuia Davi yuinũ ika hawaira ha dabe kaĩbainaibũ

1 Reis 1:19

Ina awa inũ ina awa hubuuma shuahairabu inũ txashuwã itxapa tesẽshũ dashpeshũ hawẽ nami ma pewabu hau habetã pinũbũ mĩ huni bake betsabu inũ Deusbe nukunabu hãtxashunika Abiatar inũ detenamenikabu shanẽ ibu Joabe Adoniasĩ hatu kenashũ ma hatu pimaikiaki. Hakia mĩ merabewanika mĩ bake Salomão kenamaki.

1 Reis 1:25

Na habiatiã ina awa inũ ina awa hubu meshtemisbu shua inũ txashuwã itxapa tesẽshũ dashpeshũ ma bawabu mĩ huni bake betsabu inũ mĩ detenamenikabu shanẽ ibubu inũ nukunabu Deusbe hãtxashunika Abiatar Adoniasĩ hatu kena butubaĩ habetã pikĩ mabesh neshui benimakĩ hui kushipawẽ yuikĩ: “Nukũ shanẽ ibuhaira Adonias hau hiwekũkainũwẽ”, ikaibũ

Provérbios 15:8

Huni txakabubũ inabu Deus kuashũkĩ inãkuiaĩbu Senhor Deusũ hatu danãkĩ uĩkatsi ismaki. Hakia huni pepabũ Deusbe hãtxakĩ dayuikĩ yukaibu benimakĩ Senhor Deusũ hatu nĩkamiski.

Mateus 22:4

ana hawẽ tsuma betsabu yunukĩ: “Ẽ hatu ikatsis ikairã, eska ea yuishũtãkãwẽ: ‘Nukũ tsumapã ina awa inũ hawẽ yuinaka ina tibi shuarãwã deteshũ ma matu bawakĩ shui pewashunabuki. Haskakẽ hawẽ bakebe nawai bekãwẽ’, ea hatu washũtãkãwẽ”, hatu wa bui hatuki txanikubaũbiabu