1 Pedro 4:6 - Kaxinawá Bíblia (BR)

⁶ Hatu haska washanaiwẽ taea tsuabura hatũ yurawẽ txakabui mawa keska hiwekĩ yurabũ hatukiri uĩ hãtxabiamiswẽ taeshũ Deusũ hatu unãti watã kupitirubia hatũ xinã betsa watã hatũ yura txakabubiakẽ yusĩnanãmisbũ Cristõ kakapekiri hatu yusĩabu hatũ yura txakabubia xinã betsa watã hatũ yushĩ Deusbe hiwetirubu hatu yusĩabu nĩkanibuki.

Kashinawa : Diosun Jesúswen taexun yuba bena yiniki

⁶ Jatu jaska waxanaiwen taea tsuabuda jatun yudawen chakabui mawa keska jiwekin yudabun jatukidi uin janchabiamiswen taexun Diosun jatu unanti watan kupitidubia jatun shinan betsa watan jatun yuda chakabubiaken yusinananmisbun Criston kakapekidi jatu yusianbu jatun yuda chakabubia shinan betsa watan jatun yushin Diosbe jiwetidubu jatu yusinbaunibuki.

1 Pedro 4:6 Referencias Cruzadas

Mateus 24:9

Hanushũ mã ea ikũwaĩbuwẽ taeshũ matu itxakawakĩ matu bestibu tibi tenãkĩ mai hirabi anushũ ewẽ taea matuki sinatakĩ matu danãshãkanikiki.

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

Gálatas 2:19

Haskakẽ Moisés keneni txibãhairabiai earã, hawẽ taearã, ẽ mawa keska iniki. Haskawẽ taea Jesus Cristo mawaya ẽ habe cruzki dununi keskawẽ taea hatishũra ẽ hiweawẽ Deus duawai ẽ hiweshũyuaii.

Gálatas 5:25

Haska inũ, natiã Deusũ Yushĩ Pepatũ nuku hiwemaiwẽ taeshũ hawara ha bestitũ nuku yunukĩ amai nĩkatã hiwekubainãkãwẽ.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 3:19

Yushĩ itxapabu Deusũ nitxĩkĩ bitxini kini anu Jesusũ yushĩ hari kashũ hatu hãtxa wakĩ haska Satanás maematã hawẽ hiweakiri hatu yusĩtanikiaki.

Apocalipse 14:18

hanua nai tsuma betsã txi dasibi yununika Deus kẽwãkĩ tapu hanu hawẽ inãkuĩti hanamisbu anua kaĩkirãkĩ nai tsumã beki matxatu txaipa tsuma hui kuxipawẽ yunukĩ: “Yurabu txakabu uva bimi ma huxiã keskaki. Kania tibi meshteshũ itxawariwe”, akaya