1 Pedro 2:19 - Kaxinawá Bíblia (BR)

¹⁹ Mã Jesus ikũwaĩnã, txanima ha dukũ matũ hiwearã, Jesusunaki. Mã hawa txakabu wamabiakẽ matũ tsumapã matu bika betsa betsapa memabiaibũ hawa yuiama tenetã haska Deusũ abuai ashuĩ haskai mestẽtã hiwekubaĩkãwẽ.

Kashinawa : Diosun Jesúswen taexun yuba bena yiniki

¹⁹ Man Jesús ikunwainan, chanima ja dukun matun jiweadan, Jesúsunaki. Man jawa chakabu wamabiaken matun tsumapan matu bika betsa betsapa memabiaibun jawa yuiama tenetan jaska Diosun bechipaiai axuin jaskai mestentan jiwekubainkanwen.

1 Pedro 2:19 Referencias Cruzadas

Salmos 69:4

Eska tibiwẽ taearã, ẽ hawa hatu txakabuwamabia hamẽ ea danãkĩ ẽ bu itxapa binumai eki sinatakanikiki. Tsuabura eki sinataibu ana itxapahaira hayaki. Ẽ hatu hawa wamahairabia ea yamawakatsis ikanikiki. Hatũ hamapai ẽ hatu yumetsuĩsmabia hamẽmẽs ea yunutxakakĩ: “Ea ana inãwẽ”, amisbuki.

Lucas 6:32

Haska inũ, Deusũ hãtxa danaĩ txakabumisbu habiaskariai duanamemisbuki. Haskakẽ maturi matũ haibubes mã duanamei mã hawa binunãnãmaki.

João 15:21

Hatũ ea yununi habũ unãbumawẽ taeshũ na haska tibi matu wakinã, mã ea txibaĩbuwẽ taeshũ matu ashãkanikiki.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Romanos 13:5

Ha inũ, hau Deusũ matu kupiyamashanũ, iwanã, matũ governo shanẽ ibubu Deusũ matu txibãmakatsis ikaiwẽ taeshũ hatu kuxipa wakĩ matũ shanẽ ibu wa habũ yunuti inũ hatũ nemati nĩkatã mã txibaĩnã, matu kupiai nemati bestimaki. Hakia haska Deusũ abuai akaibu nĩkakĩ mã xinãtirubuki.

1 Coríntios 15:10

Earã, txanima ẽ hawẽ tsuma kuxipaya betsaki. Haska ea wakatsi Deusũ ea duawakĩ ea katunishũ hamẽ ea katuama hawẽ daya akĩ Jesusũ kuxipaya betsa dasibibu ẽ hatu binumakubainaii. Hakia emebi dayama Deusũ ea duawakĩ ea merabewaya ẽ dayashũkũkainaii.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 8:1

Ẽ betsabu inũ ẽ puibuũ, Macedônia mai pakea anua itxamisbu Deusũ hawẽ nuiwẽ hau Jerusalém anuabu nuitapaibu hatu merabewanũbũ, iwanã, Deusũ hatu duawamaimakiri ana ẽ matuki txaniaii.

2 Timóteo 1:12

Ea haska wanikẽ Deusũ hãtxa ẽ yusĩkubaũmiswẽ taeshũ itxakawakĩ ea bitxibiabũ ẽ Jesus ikũwãkĩ taewaya ea mekenitũ bari hawẽ heneaitiã ea mekekubaĩshanai unaĩ ẽ dakeamaki.

Hebreus 10:2

Txanima Deusũ hãtxa kuxipa hayatũ hatũ txakabu ma pewakẽ habũ xinã ibubis ma pe mekinã, ha yuinaka menukĩ Deus inãkubainaiburã, henekeanibuki.

1 Pedro 2:20

Ha inũ, mã txakabuwaiwẽ taeshũ matũ shanẽ ibũ matu kupia yumaĩ sinatama mã pe beshmaski. Hakia Jesus ikũwaĩ mã pepaiwẽ taeshũ ha xinãma matũ shanẽ ibũ matu kupia yumaĩ hawa yuiama mã sinatamakẽ Deus matuwẽ xinã txãkãmiski.

1 Pedro 4:15

Matũ yura betsa nuitapairã, eskawẽ taea imisbuki, pubẽburã, yumetsuburã, itxakanikaburã, yura betsa bika waiwẽ taeshũ hatu yumãwãmisbuki. Hamẽ matu ikirã, mã hatu keska hiweamabia matu yumãwaĩburã, haska peki.