1 Pedro 1:19 - Kaxinawá Bíblia (BR)

¹⁹ hamẽ haskama txashuwã bake pepa hawa txami hayama deteshũ menu keyukĩ Deus daewapaunibu keska wakĩ hawẽ bake Cristo mawakĩ hawẽ himi pepahaira dasibi betsana binuawẽ Deus hawena nuku wati wamakĩ hawẽ daewati waniki.

Kashinawa : Diosun Jesúswen taexun yuba bena yiniki

¹⁹ jamen jaskama chaxuwan bake pepa jawa chami jayama detexun menu keyukin Dios daewapaunibu keska wakin jawen bake Cristo mawakin jawen jimi pepajaida dasibi betsana binuawen Dios jawena nuku wati wamakin jawen daewati waniki.

1 Pedro 1:19 Referencias Cruzadas

Êxodo 12:5

Txashuwã bene bari bestitxaiya hawa isĩ hayama hawẽ yura dasibi pe keyu hau bishanũbũwẽ. Txashuwã bake kayabi pepa hayamakẽ ina txashu betsa cabra bake bitirubuki.

Isaías 44:22

Eanã, haska txakabukĩ mã ea nĩkaisbuma matũ txakabu ẽ ma matu pua ashunaki, nai kuĩ dunua pua ibaini yamabaĩmis keska wakinã. Ẽ ana ma matu mebikinaĩ ea shinaĩ txĩtũribirãkãwẽ, ea anu beirã”, ikaya

Isaías 53:7

Habũ atxitã itxakawabiabu hawa hatu nemama inũ hawa hãtxa betsa yui taskama ishanikiki. Habũ txashuwã detemisbũ txashuwã bake detekatsi buabu “maã, maã” isma keskai hawa yuiama ishanikiki, txashuwã hawẽ dani meshtekatsi bitximis keska wabiaburã.

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

João 1:36

Jesus kawanai uĩkĩ nuku yuikĩ: —Uĩkãwẽ. Hatũ Deus sinatai daewanikaki, txashuwã bake menumisbu keskarã— nuku wa

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Colosenses 1:14

Cristo mawakĩ Satanásã nuku tsumani hawena wakĩ nuku mebikinãtã nukũ txakabu nuku buashuniki, ana xinãmarã.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 14:1

Hanushũ ana uĩkĩ Deusũ txashuwã bake Sião mati anu ha yurabu 144.000 habe mapuabu hatibu hawẽ kena inũ hawẽ Epa Deusũ kena ha dabetũ kena hatũ betũkuki kene nea habe mapuabu ẽ uĩshu matu yuinũ nĩkakãwẽ.

Apocalipse 14:5

Haburã, habu anua tsuã txani betxitirubuma inũ hawa txakabu hatukiri yuitirubumaki.

Apocalipse 5:6

hanushũ Deus tsauwa naxui ika namakis ha hiweabu dabe inũ dabe mapubaunabu inũ habianuri ha 24 mekenikabu tsaubaunabu anu ha namakis naxui ika txashuwã bake hawẽ yura txatxinibu mawa keska nia sete mashũyã inũ sete beruya ẽ uĩshuki. Txashuwã bake hawẽ sete berurã, ha hawẽ yushĩwẽ mai hirabi anu Deusũ hatu yusĩmakubainairã, haska ẽ uĩshuki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”