1 João 5:6 - Kaxinawá Bíblia (BR)

⁶ Jesus Cristo tashnikiranã, eskakĩ dasibi hatu unãti wamakĩ kayatiwamaniki, ha dukũ henewẽ ikaibu anu hari naxirã, hanua dasibibũ berubiri cruzkia dunua hawẽ himi habakĩ hatu uĩmakinã. Henewẽ naxi bestiama hakia mawai hawẽ himi habakĩ hatu unãti wamaniki. Haskanirã, Deusũ Yushĩ Pepatunã, hamebi unaĩkiki. Haska unaĩ nukukia txanima txanimiski.

Kashinawa : Diosun Jesúswen taexun yuba bena yiniki

⁶ Jesucristo taxnikidanan, eskakin dasibi jatu unanti wamakin kayatiwamaniki, ja dukun jenewen ikaibu anu jadi nashidan, janua dasibibun bedubidi cruzkia dunua jawen jimi jabakin jatu uinmakinan. Jenewen nashi bestiama jakia mawai jawen jimi jabakin jatu unanti wamaniki. Jaskanidan, Diosun Yushin Pepatunan, jamebi unainkiki. Jaska unain nukukia chanima chanimiski.

1 João 5:6 Referencias Cruzadas

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Mateus 3:16

meneaya neshekei mapekekainaya nai bashnei Deusũ Yushĩ Pepa deiwã itsakirã hamamaki butuai Jesusũ uĩayã

Marcos 14:24

hatu yuikĩ: —Yura itxapabu merabewai mawakĩ ẽ himi ẽ hatu habashũshanaii. Na vinhorã, ẽ himi keskaki, hawẽ yubaka bena xinãmatirã.

Lucas 22:20

bitã tureshũ pikubaunaibũ habiaskari wakĩ kẽtxa vinho mata tsumashũ yuikĩ: —Yura itxapabu matu merabewai mawakĩ ẽ himi ẽ matu habashũshanaii. Na vinho ẽ himi keskaki. Hawẽ yubaka bena xinãmatiki. Ea xinãbetanã, mã ashanai ikis akĩ taewabaũkãwẽ— iwanã,

João 14:17

Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

João 16:13

Hakia txipu Yushĩ Txanima Unãmanika hushũ txanima dasibi matu yusĩkĩ meshtãmashanikiki. Hawẽ xinãnẽ hãtxama hakia ekiri dasibi nĩkatã hawara ishanairi matu shabakabi unãmashanikiki.

João 3:5

hanushũ Jesusũ yuikĩ: —Haskamaki. Txanima ẽ mia yuiai nĩkawe. Yura kayabi meranua kaĩyãnã, yura kayabi ikubaĩmisbuki. Ha inũ, Yushĩ Pepatũ kaĩ benamatã hatuki hikitã hatu yauxikĩ mekekubaĩmiski. Ha inũ, hene inũ Yushĩ Pepawẽ naxiabumarã, Deus shanẽ ibuaiki mã nukutirubumaki. Hakia ha dabewẽ pepakubainaibu haki mã dasitirubuki.

João 4:10

Jesusũ yuikĩ: —Hawara Deusũ mia inãkatsi ikai inũ tsuãra mia ũpash yukai unãkĩ mĩ ea yuka ũpash netsuisma ẽ mia inãkeãshuki— aka

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

João 6:55

Haska inũ, ẽ namirã, piti kayabiki. Ha inũ, ẽ himirã, nushuti kayabiki.

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Colosenses 1:4

Matukiria kaka huai ẽ nĩkamiski, mã Jesus Cristo ikũwaĩ nukubetã ikũwaĩbu betsa hatube abunamei mã hatuwẽ nuimis nĩkairã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Hebreus 9:7

Hakia ha katxu meribihaira dĩtu anu ano tibi shaba bestitxaitiã bestiwai Deusbe nukunabu hãtxashunika shanẽ ibu binua besti hikikĩ ibubis kaneriamiswẽ taeshũ yuinaka himi bushũ hawẽ nuiti bau beputiki himi baxa baxa akĩ Deus daewayupaunibukiaki, hawẽ txakabu inũ hawenabũ txakabu Deus hakimawakĩ hau ana hatukiri haska xinãyamakubainunã.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

1 João 4:10

Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 5:9

dasibibũ nawati bena huiwẽ nawakĩ yuikĩ: “Mĩ pepahairaki. Mawakĩ mĩ himiwẽ yura shukuabu tibi anua inũ, nawa tibi anua inũ, hãtxa tibi anua inũ, mai pakea tibi anua Epa Deus bishũkĩ hawenabu hatu wakĩ

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”