1 João 4:7 - Kaxinawá Bíblia (BR)

⁷ Ẽ betsabu inũ ẽ puibuũ, nui pae Deus anua humiski. Haskawẽ taea tsuabura nũ hawẽ bakebui ikaiburã, Deus unãkĩ haibuwakanikiki. Haskakẽ nukubu nui abunamekubainãkãwẽ.

Kashinawa : Diosun Jesúswen taexun yuba bena yiniki

⁷ En betsabu inun en puibuun, nui pae Dios anua jumiski. Jaskawen taea tsuabuda nun jawen bakebui ikaibudan, Dios unankin jaibuwakanikiki. Jaskaken nukubu nuii bechipainamekubainankanwen.

1 João 4:7 Referencias Cruzadas

João 13:34

Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ

João 17:3

Mĩ mia besti Deuski, txanimarã. Jesus Cristo mĩ yununirã, ẽ ea bestiki. Nuku unãtã na hiwekuĩyãwẽ hiweshãkanikiki, ikibi ikirã.

1 Coríntios 8:3

Hamẽ tsuabũra Deus abukĩ duawakĩ hawẽ yunuti akaiburã, harã, Deusũ hatu unaĩkiki.

Gálatas 4:9

Hakia natiã Deus mã unaĩ bestima Deusũri duawakĩ matu unãriaikiki. Haska unãbiakĩ ana txĩtũkirã hawãra matu pepawatirubuma txibaĩ mã ana hatũ dayaru escravo ikatsis ikimẽkaĩ?

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

2 Timóteo 1:7

Deusũ hawẽ Yushĩ nuku inãkĩ yushĩ babu dateti nuku inãma iniki. Hakia hawẽ Yushĩ kuxipa pepa inũ hawẽ abui nuinameti inũ hawẽ nukũmebi nũ pepakĩ xinãtiru nuku inãniki.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 João 2:10

Hakia tsuãra hawẽ hãtxa txibaĩ ikũwaĩ betsabube abunamemisrã, ana hawawẽ taea txĩtuaĩ txakabũ kanemakĩ atxitirumaki.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 2:3

Ha Deusũ yununi nũ habuã txibãkubainairã, nukubũ nũ ma unãti watã mestẽwanã, txanima nũ ma hanu haki dasiabuki.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 2:7

Ẽ betsabu inũ ẽ puibuũ, ẽ matuwẽ nuikĩ ha dukũ Jesus Cristõ nuku yununi bena ẽ betsa wamaki. Habias nukũ betsabũ matu yusĩaĩbu mã nĩkakĩ taewanirã, harã, mã ma nĩkaniki. Xinaĩrakãwẽ, mã abunamekubainũbunã.

1 João 3:9

Haratura nũ ma Deusũ bakeburã, nũ ana txakabu mekubaĩtirubumaki, hawẽ hiweti xinã pepa ma nuku merã naneawẽ taearã. Haskawẽ taea nũ Deusũ bakebu nukũmebi nukũ hiwea nũ mekekubaĩtirubuki, ana txakabuwamarã.

1 João 4:11

Ẽ betsabu inũ ẽ puibuũ, ẽ matuwẽ nuikũkainairã, txanima nuku haska wakĩ Deusũ nuku abunikenã, nukuburi habiaskariai ikũwaĩ betsabube nui abunamekubainãkãwẽ.

1 João 4:12

Tsuã Deus uĩpaunima inũ uĩtirumabiakẽ nukubu nũ abunameairã, Deus nukuki dasia nukube hiweaki. Nukube dasiawẽ taea ha nui txanima kayabi nũ hayaki.

1 João 4:16

Txanima Deus nũ abuairã, ikũwãkĩ nũ ma Deus unãkanaii. Deusrã, nuikipa abunamenikaki. Tsuara ha nui haya hiwearã, Deuski dasia hiweaki, Deusri haki dasiriarã.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

1 João 4:8

Deus nuikipabiakẽ tsuãra ha abunameti xinãmarã, Deus unãriabumaki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

2 João 1:5

Ẽ betsabu inũ ẽ puibuũ, natiã matuwẽ nuikĩ matukiri xinãkĩ matu ea akĩ ẽ matu yunuaii, nukũ betsabube nui nũ abunamekubainũbunã. Na haska ẽ matu keneshunairã, yunuti bena ẽ matu ashũamaki. Hakia habias Jesus Cristõ nuku yusĩ taewani ẽ matu ana xinãmakĩ ashuaiĩ.