1 João 4:2 - Kaxinawá Bíblia (BR)

² Haskakiri hãtxaibu mã unãtiruburã, habu Deusũ Yushĩ Pepa hayarã, habũ ikũwãkĩ yuikĩ: “Jesus Cristo tashnirã, yura kayabi bitã kainiki”, ikaibu Deusũ Yushĩ Pepa haya mã unãtirubuki.

Kashinawa : Diosun Jesúswen taexun yuba bena yiniki

² Jaskakidi janchaibu man unantidubudan, jabu Diosun Yushin Pepa jayadan, jabun ikunwankin yuikin: “Jesucristo taxnidan, yuda kayabi bitan kainiki”, ikaibu Diosun Yushin Pepa jaya man unantidubuki.

1 João 4:2 Referencias Cruzadas

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

1 Coríntios 12:3

Hamẽ betsarã, Deusũ Yushĩ Pepa hayatũ hawẽ hãtxa yuishunikã Jesus yuputirumahairaki. Ha inũ, yura betsãri txanima yuikĩ: “Jesus Cristo ẽ Shanẽ Ibuki”, iwanã, yuitirumaki, Yushĩ Pepatũ kuxipawẽ merabewamawẽ taearã. Haskaki, xinaĩrakãwẽ.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

1 João 1:2

Ha hiwearã, hamebi hawa huneama ikũkainai nukũ uĩnishũ hakiri shabakabi txanikĩ hawẽ kaka matukiri hiwea ikibi ika haya nũ matu yuikubainaii. Hawẽ Epabe dasia nuku shabakabi uĩmakubainai nukubũ nũ uĩkubainiki.

1 João 2:23

Haska inũ, tsuabura Deusũ bake danaĩ haki dakeirã, hawẽ Epa Deuskiri dakeriaikiki. Ha inũ, tsuabura dakeyamakaĩ hakiri hãtxai peii: “Ẽ Jesus ikũwaiĩ”, ikĩ hawẽ Epakiri shabakabi wariaikiki.

1 João 4:15

Hamẽ tsuabũra yuikĩ: “Txanima Jesus Deusũ bake kayabiki”, ikaiburã, Deuski dasia hiweabu inũ Deus hatuki dasiriaki.

1 João 4:3

Hakia tsuãra Jesus Cristokiri unãmabia yuikĩ: “Yura kayabiama iniki”, ikaiburã, Deusũ Yushĩ Pepa hayamaki. Ha hunĩ Jesus Cristo shanẽ ibu mebinũ ika haki sinatai haki beparamei hushanai yushĩ hayaki. Haskakiri ha yushĩ hushanai mã nĩkanirã, harã, ma na mai anu yurabu anu kaĩma ma niaki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

2 João 1:7

Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki.