1 João 3:2 - Kaxinawá Bíblia (BR)

² Ẽ betsabu inũ ẽ puibuũ, ẽ matuwẽ nuiairã, nũ ma Deusũ bakebuki. Txipu haskarara nũ ishanai natiã nũ unãriabumaki. Hakia nukũ Shanẽ Ibu Jesus Cristo ana nukuki nukuaitiã hanu habe ha keskari ikĩ hanu haskarara nuku wai nũ uĩshanaii.

Kashinawa : Diosun Jesúswen taexun yuba bena yiniki

² En betsabu inun en puibuun, en matuwen nuiaidan, nun ma Diosun bakebuki. Chipu jaskadada nun ixanai natian nun unandiabumaki. Jakia nukun Xanen Ibu Jesucristo ana nukuki nukuaitian janu jabe ja keskadi ikin janu jaskadada nuku wai nun uinxanaii.

1 João 3:2 Referencias Cruzadas

Salmos 16:11

Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.

Malaquias 3:2

txanima ha shabatiã Senhor Deus hui tashnikiranai tsuã nematiruma ishanikiki. Tsuãra huai uĩ hanu ni txaipatirumaki, hawẽ txakabuwẽ taearã. Nuku pewai huirã, bai kuabu txi here keska hushanikiaki. Nukũ detsis sabão kushipawẽ txuka keska washanikiaki.

Mateus 5:8

—Ha inũ, tsuabura xinã shũpĩ pepa haya habũ Deus uĩ hiweshanaibuwẽ taea benimapaketi xinaĩ benimakubaĩkanikiki.

Lucas 17:30

Habiaskariai matũ Hutxi Kayabi Iuwa ẽ huai yurã kaiãnẽ ea xinãkĩ manabumakẽ ẽ hatu habiaskari wakĩ kupishanaii.

Lucas 20:36

Hanua Deusunabu kayabi ana besteãbuwẽ taea Deusũ nai tsumabu keska beneuma inũ aĩyuma hiweshãkanikiki, ana mawamarã.

João 1:12

hakia hatiritũ hawẽ hãtxa nĩkatã ikũwãkĩ beya waibũ Deusũ Xinaĩ Hãtxatĩ hau Deusũ bakebu ishanũbũ hawẽ kuxipa hatu inãkĩ hatu duawakĩ taewaniki.

João 11:52

Na haska yunuirã, habu bestikiri ikama hakia Deusũ bakebu pashka hiweakeakeabu habũ ikũwaĩbu dasibi itxawashanũ ika merabewai Jesus nuku mawashũshanai

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

Romanos 8:16

haska wamakĩ nukũ yushĩki dasi nanetã nũ Deusũ bakebu shabakabi nuku unãmakinã.

Romanos 8:18

Haska inũ, natiã Jesus nũ ikũwaĩbu hamapai bikawẽ berubi tenei nũ nuitapayuaiburã, Deusbe nũ hiweshanai betsahaira nũ ishanaii. Na hiweshũ nũ teneai inũ, na bika nũ tenekubainai txipu hawama keska ishanikiki.

Romanos 8:19

Mai hirabiki dasibi habu Deusũ damiwani: “Haratu hawẽ bakebu kayabimẽkaĩ?” ishũ shabakabi uĩkatsis ikĩ hĩ hĩ itxakayamakĩ manakanikiki.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

1 Coríntios 13:12

Haska inũ, ha mane txasha beisiti keskawẽ uĩkĩ nukũ yura pe beshmas nũ uĩmiski. Habiaskari Deusũ xinã pesheixta nũ unãmiskẽ Jesus ana huaya haska Deusũ ẽ huĩti unãmiswẽ eari Deusbe beisinãrabekĩ ẽ unã beshmas wamis ẽ unã keyushanaii.

1 Coríntios 15:49

Ha dukũ mai anu hiwea Adão damiwani hawẽ yura keska nũ hiwea Deusũ nuku bestẽwãkĩ nuku betsa wa Cristõ yura keska nũ ishanaii.

1 Coríntios 2:9

Haskakiri Deusũ hãtxa yuishunika Isaíasĩ Deusunabu keneshũkĩ: “Hawara tsuã uĩsma inũ, hawara tsuã nĩkaisma inũ, hawara tsuã xinãtiruma bebũkiri habu Deusũ abukĩ ma hatu pewashuniki”, aniki.

2 Coríntios 3:18

Haskakẽ dasibi nũ Jesus Cristo ikũwaĩburã, ha yusĩniwẽ nukũ besu inũ nukũ xinã nuku ana bepuamaki. Nukũ Shanẽ Ibũ nukũ xinã nuku betsa wakubainaya hawẽ kuxipawẽ ha itsa nuku wakubainikiki. Unãshubira nukũ hiwea betsa wakĩ nuku pewakubainikiki. Nuku haska wakĩ nukũ Shanẽ Ibũ hawẽ Yushĩ Pepawẽ nuku hatu uĩmakubainikiki.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Gálatas 4:6

Haska inũ, nũ ma Deusũ bakebukenã, Deusũ hawẽ bakẽ Yushĩ nukũ huĩti merã yunua Deus hatũ nuku kenamakĩ: “Ẽ Epa nuikipatuũ”, nuku amamiski.

Filipenses 3:21

Hanua hushũ habiaskari kuxipawẽ hamapai dasibi meke keyumistũ nukũ yura babu atimapa betsa wakĩ benawashanikiki, hawẽ yura txasha keska nuku wariakinã.

Colosenses 3:4

Haskawẽ taea Cristo shanẽ ibui benima paeya ana huaya maturi habiaskariai mã habe benimatxakayamashanaii. Cristorã, habia matũ hiwea kayabiki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

2 Pedro 1:4

Na haska tibi nuku amairã, haska bebũkiri Deus ibubis hãtxai hawẽ kuxipahairawẽ yubakani txanima betsa waisma haska ikũwãkĩ mã xinã betsa watã mã ma Deusũ beya ibu wawẽ taea na mai anushũ txakabu kemu paewẽ ikaibu hatu binui mã ma Deusunabu pashatirubuki.

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.

1 João 2:7

Ẽ betsabu inũ ẽ puibuũ, ẽ matuwẽ nuikĩ ha dukũ Jesus Cristõ nuku yununi bena ẽ betsa wamaki. Habias nukũ betsabũ matu yusĩaĩbu mã nĩkakĩ taewanirã, harã, mã ma nĩkaniki. Xinaĩrakãwẽ, mã abunamekubainũbunã.

1 João 3:1

Xinãkãwẽ. Nukuburã, nukũ Epa Deusũ nuku abuhairakĩ nũ hawẽ bakebu nuku kenaikiki. Hakia tsuabũra Deus unãbumawẽ taeshũ nũ hawẽ bakebu nuku unãbumariki.

1 João 3:10

Deusũ bakebu inũ Satanásã bakebu mã unãti watirurã. Tsuãra pepa akubainama inũ ikũwaĩbube abunameamarã, Deusunabumaki.

1 João 3:21

Ẽ betsabu inũ ẽ puibuũ, matuwẽ nuikĩ ẽ matu merabewairã, nukũ txakabu nũ ma pewa ana hawawẽ taea Deuski nũ datetirubumaki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

Apocalipse 2:28

Ha dikabi pena bixi txashamis keska ẽ matu inãshanaii.

Apocalipse 22:4

Haria Deusbe beisinã dabeshãkanikiki, Deusũ kena hatũ betũkuki nea hayarã.