1 João 2:9 - Kaxinawá Bíblia (BR)

⁹ Tsuãra yuikĩ: “Cristo ikũwaĩ ma ẽ hawẽ shaba hayaki”, ibiai ikũwaĩ betsa danaĩ habe dakekenaĩnã, hawẽ hiwea sheni hene keyuriama mexu merã hiwea keskayuaki.

Kashinawa : Diosun Jesúswen taexun yuba bena yiniki

⁹ Tsuanda yuikin: “Cristo ikunwain ma en jawen xaba jayaki”, ibiai ikunwain betsa danain jabe dakekenainan, jawen jiwea xeni jene keyudiama meshu medan jiwea keskayuaki.

1 João 2:9 Referencias Cruzadas

João 9:41

Jesusũ hatu yuikĩ: —Deusũ yusĩa unãriama matũ txakabuwẽ mã kaneama ikeanaii. Hakia yuikĩ: “Nũ Deus unaiĩ”, ikĩ hawa nĩkama mã kaneaii— hatu watã,

Hechos 1:15

Ha shaba tibi haskakubaĩkĩ shaba betsatiã 120 ikũwaĩbu hatube itxa maniabu Pedrõ hatu yuinũ ika benitã hatu yuikĩ:

2 Pedro 1:9

Hakia tsuabura haskakubainabumarã, bekũmã hawẽ hiwea haskashanai unãtiruma keskabuki. Deusũ hatũ txakabu ma hatu buashũbiani ana habũ xinãkatsi ikama hakimatã Deuskiri ana xinãbumaki.

1 João 1:6

Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.

1 João 2:11

Hamẽ tsuara ikũwaĩbube abunameama hatube danãnanaĩ dakekenaĩnã, hawẽ hiwea pemawẽ taea mexu merã nia hani kai unãma keskaki. Ha mexu merã niarã, hawẽ hiwea shenĩ hawẽ xinã bepu keyua bekũ keska hiweaki.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 3:10

Deusũ bakebu inũ Satanásã bakebu mã unãti watirurã. Tsuãra pepa akubainama inũ ikũwaĩbube abunameamarã, Deusunabumaki.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.