1 João 2:19 - Kaxinawá Bíblia (BR)

¹⁹ Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

Kashinawa : Diosun Jesúswen taexun yuba bena yiniki

¹⁹ Jabu taxnidan, nantekea beama jabia nuku anua iki taebainkanikiki. Nukube ichabiamisbu Jesucristo danain ana nukube ichama jaki sinatakanikiki. Jamen nukubetan ikunwainbunan, nuku paxkabainama itidubuki. Jakia nuku paxkabainaibu uinkin ikunwan kayabiabuma man xabakabi unantidubuki.

1 João 2:19 Referencias Cruzadas

Salmos 37:28

Senhor Deusũnã, hamapai pepabu betxipaimiski. Habu haki txiti ika txĩtuãbumarã, hawa hatu heneismaki. Hamẽ tsuabura txakabuburã, hatu yamawakẽ hatũ bababuri hayama washãkanikiki.

Lucas 8:13

Ha inũ, heshe betsa mixki ewapabu mania anu mai eskarabes bemãtximea anu niri akarã, tsuãra Deusũ hãtxa nĩkakĩ taewai benimabiaya xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki, hatũ tatxa itxapama keskawẽ taearã.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

Hechos 15:24

Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.

Hechos 20:30

Matu ibubis matu anua hanubi benitã shanẽ ibutã: “Ea txibãkãwẽ”, ishũ matu parãkĩ matu txani yusĩshãkanikiki.

Romanos 9:6

Haska Deus Israelbu hatu yubanirã, Deusũ hawa betsa wama hawẽ hãtxa kuxipa hawa benuamaki. Haskabia Deusũ hatu yubani ikũwãkĩ ha Israelĩ baba itxapabũ txibãbumawẽ taea habu Israelbu kayabi itirubumaki.

1 Coríntios 11:19

Matũmebi pashkai mã unãtinãkeakeairã, haskatimaki.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

2 Timóteo 3:9

Ha parananaĩbu unaĩsmapakĩ hãtxa kayabima hatu yusĩaĩbu dasibibũ unãtã itxapabu hatuki txiti ikama ishãkanikiki. Haska Moisés beshtenũ ika Janes inũ Jambres tatima ini keskai haburi haskashãkanikiki, beshtekeirã.

Hebreus 10:39

Haskakẽ betsabũ Jesus txibaĩ txĩtuaĩbu habu Deusũ kupiaya ea inũ mã ebetã Jesus ikũwaĩ txĩtuãma nũ txibãkubaĩmisburã, hawẽ pashai Deusbe nũ hiwekũkaĩshanaii.

2 João 1:7

Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

Judas 1:19

txanima na habiatiã ha yusĩnãnaĩ parananaĩ kashekenaĩbũ Deus xinãma ibubis hatũ kemuti xinã txibãkĩ ikũwaĩbu tari pashkakĩ Deusũ Yushĩuma wakĩ hatu akanikiki.