1 Coríntios 9:17 - Kaxinawá Bíblia (BR)

¹⁷ Ẽ xinãnẽ Deusũ kakape yusĩbaunũ, iwanã, emebi ẽ akĩ taewaniwẽ taeshũ mã ea devekeanaii. Hakia ẽ haska ẽ xinã meribi ẽ akama Deusũ ea kenatã ea txai putani ha ẽ dayashũshanũ ea katukĩ nitxĩnikẽ haskakĩ matũ hamapai tibi biãtibiakẽ ẽ tsua matu yukaismaki.

Kashinawa : Diosun Jesúswen taexun yuba bena yiniki

¹⁷ En shinanen Diosun kakape yusinbaunun, iwanan, emebi en akin taewaniwen taexun man ea dibikeanaii. Jakia en jaska en shinan medibi en akama Diosun ea kenatan ea chai putani ja en dayaxunxanun ea katukin nichiniken jaskakin matun jamapai tibi biantibiaken en tsua matu yukaismaki.

1 Coríntios 9:17 Referencias Cruzadas

Isaías 6:8

Hanushũ ẽ nĩkaya Senhor Deusũ hawẽ hui kaĩmakĩ ea yuikĩ: “Tsuã nukũ hãtxa nuku yuishũtiru tsua nitxĩpa?” ikaya eã kemakĩ: “Earã, ẽ nenuki. Habia menã ea nitxĩriwe!” ẽ aka

Ezequiel 3:14

Deusũ Yushinẽ ha ẽ nia anua ea nuyãbaĩkĩ ea iyukĩ Senhor Deusũ hawẽ mekẽnẽ ea tsuma txakayamashũ ea iyua punu nuka sinatayabi dunukaini kai

Jonas 1:3

hawẽ yunua hãtxa nĩkakĩ txibãkatsi ikama Senhor Deus anua pashai Társis anu kanũ ika ianẽwã ewapa kesha anu bai butua mae hawẽ kena Jope anu Jonas ka shashu ewapa Társiskiri kai betxitushitã hawẽ pashai kanũ ishũ peiwẽ pakatã Senhor Deus nĩkama patapakaini txaihaira Társis anu kanũ ika shashu ewapa merã inatã ma kaya

Malaquias 1:10

“Matuwẽ ẽ hawa benimamaki. Inabu tesẽshũ txiwẽ mã ea menushũbia ana benimama ẽ danãkubaĩshanaiwẽ taeshũ ẽ kẽwãti txi tapu anu hanu mã hamẽ ana txi keti wayamashanũbũ eki nukuti Templo hemaĩtĩ mishki kenebaunibu hikiti shui beputi tibi tsuã mã beputirumẽkaĩ? iwanã, ẽ shinaiĩ.

Mateus 10:41

Deusũ hãtxa yuishunikatũ yuiai hawẽ hãtxa nĩkakĩ beya wanishũ habũ Deusũ hãtxa akaibũ manakuti pepa bishãkanikiki. Deusũ hãtxa ikũwãkĩ huni pepa beya wanishũ huni pepã manakuti pepari bishãkanikiki.

Lucas 12:42

Jesusũ yuikĩ: —Eska keskaki. Shanẽ ibu betsa txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.

João 4:36

Tsuabũra hatu itxawakĩ hawẽ manakuti pepa bikanikiki, hatũ hiwea ikibi ika bikinã. Haskakẽ tsuabũra mibã bana bimi huxiaĩ hatu tseka keska waiburã, haburi benimakanikiki.

1 Coríntios 3:14

Tsuara hiwe kuxipa txĩ menuisma keska hiwemisburã, hawa txĩ menuismawẽ taea hatũ manakuti pepa bishãkanikiki.

1 Coríntios 3:8

Hamẽ maturã, Deusũ hawẽ kakape heshe banamis keska mã hawẽ baiki. Hakia nukurã, nũ bai anu dayai keskakĩ nuku dasibibũ nũ Deus merabewakubainaii. Betsabũ kakape banai inũ betsabũ naximabiaya hamapai daya nuku yunua dasibibũ nũ pe akubainaiwẽ taeshũ Deusũ nuku pakakĩ manakushanikiki, nukũ daya tibi pepawenã. Hunibũ hiwe wamis keska wakĩ Deusũ matu wakatsis ikĩ

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

1 Coríntios 9:16

Deusũ ea katukĩ Jesusũ kuxipaya ea wa hawẽ kakape yusĩbauni ẽ hawẽ kẽnũ ea yunuama iniki. Hakia ẽ xinãnẽ akirã, ẽ kẽtiruki. Hakia haskama hawẽ kuxipawẽ ea yunu yunu aka ẽ akubainaii, enamawẽ taeshunã. Ẽ yusĩamakẽ Deus eki sinatai ewẽ benimama ishanikiki.

1 Coríntios 9:18

Matũ mã ea haska waismakẽ tsuã ea pakama Deusũ daya ẽ akubainaya haska ẽ matu yusĩmis Jesusũ kuxipaya betsabu pakakĩ yusĩnã betsabu pakariakĩ mã ea pakaismakẽ hawẽ benimawatiwẽ Deusũ ea manakumiski, ea xinã txãkãwãkinã.

2 Coríntios 8:12

Hanushũ tsuabũra txanima kayabi yura betsa merabewakatsis ikaibu Deusũ hatũ xinã nuima unãkĩ hatuwẽ Deus benimamiski. Hawara haya inũ hawara hayama xinãma hakia haska hawara pepa nũ haya nũ inãtirubu Deusũ nukukiri xinãmiski.

Gálatas 2:7

Haskawẽ taea ha beya dabekiri nũ unãtinãnibuki. Haska Jesuskiri kakape nũ hatu pe yusĩnũbũ Deusũ nuku yununiki, ea nitxĩkĩ yunukinã. Judeubuma anu kashũ Jesus mekenãkiri ẽ hatu tapĩmanũ bebũkiri ea unãmaniki. Habiaskari wakĩ Jesusũ Pedrori judeubu anu yunukĩ nitxĩrianiki, hau hakiriri hatu unãmakubainunã, hawẽ mekeakirirã. Nũ haska dayamis nuku nĩkakĩ nukũ shanẽ ibubũ nuku unãnibuki.

Colosenses 1:25

Ha inũ, Deusũ hãtxarã, dasibi hiwebaunabu ẽ hatu yuikubaũshanũ ea katutã ea yununi haskawẽ taea mã Cristo ikũwaĩbu matuwẽ nuikĩ ẽ matu merabewakubaĩshanũ Deusũ hawẽ tsuma ea matu washuniki.

1 Tesalonicenses 2:4

Hakia Deusũ nuku unãti watã yuikĩ: “Huni pepabuki”, itã xinãkĩ hau hawẽ kakape nũ yuikubaĩshanũ nuku yununi nũ matu yui hãtxakũkainaii. Deusũ besti nukũ huĩti unãmiswẽ taeshũ Deus besti nũ benimawakatsis ikaii, yurabu benimawatiwẽ nuiamarã.

Filemom 1:14

mĩ ekiri xinãkĩ yunuama ibianikẽ ẽ mia haskãwãtirumaki. Mĩ xinãnẽ mĩ ea yunu bestiai haska ea abukĩ mĩ ea amashũtiruki.