1 Coríntios 8:9 - Kaxinawá Bíblia (BR)

⁹ Hamẽ yushĩ dami betsa hawẽ kẽwãti nami hawa hayama unãkĩ hawa dateama pikĩ ikũwaĩ betsabu huĩti shubu mã hatu uĩma matu uĩtã txĩtũkĩ kanetirubuki. Matu yusĩnũ nĩkakãwẽ.

Kashinawa : Diosun Jesúswen taexun yuba bena yiniki

⁹ Jamen yushin dami betsa jawen kenwanti nami jawa jayama unankin jawa dateama pikin ikunwain betsabu juinti xubu man jatu uinma matu uintan chintunkin kanetidubuki. Matu yusinun ninkakanwen.

1 Coríntios 8:9 Referencias Cruzadas

Isaías 35:3

Hanushũ babubu hatu shinã txãkãwãkĩ punu nukabu hatu kushipa wakãwẽ.

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

1 Coríntios 10:24

Hamẽ hamapai pepa bikĩ ha dukũ matuna binũ ika ana hatu maemai naxui ikama hakia yura betsabu dukũtũ hau katuyunũbũ pes ikama manakubaĩkãwẽ.

1 Coríntios 10:28

Hakia betsã mia bebũkiri yuikĩ: “Na namirã, yushĩ dami betsa hawẽ kẽwãti namiki”, matu waya hawẽ huĩti babu ana babu wakatsi ikama hawẽ nuikĩ ha nami piyamakãwẽ.

1 Coríntios 10:29

Yushĩ dami betsa hawẽ kẽwãti tsuabũra mã nami piarã, matũmebi mã txakabumaki. Haskabiakĩ ikũwaĩ betsa huĩti babuwẽ nuikĩ ha nami hatu merabewakĩ mã pitiruma ẽ matu yuiaii. Haskarara Deusũ ea nemamakẽ ẽ pitiruki. Hakia yura betsa ẽ uĩmatxakaiwẽ taeshũ ena pemaki. Deus kẽwãtã hamapai tibi ẽ pibia pebiakẽ habu hatu mesewakatsi ikama dasibiwẽ Deus duawanũ, iwanã, ẽ ana haska tibi meamaki.

1 Coríntios 10:32

Haska hamapai tibi akĩ hawara danaĩbu hatũ berubi akĩ hatu uĩmatxakayamakãwẽ, judeubu kasmai judeubuma kasmai ikũwaĩ betsabu hiweaburã.

1 Coríntios 8:10

Yushĩ dami betsa kẽwãti hiwe anushũ mã ikũwaĩbu kuxipabũ piaya ikũwaĩ betsa babubũ matu uĩkĩ haska yushĩ dami betsa kẽwãkĩ henebianishũ mã ana hawẽ kuxipakiri xinaĩ dabanẽ habũri hawẽ kuxipatikiri pinũ ishũ xinãtirubuki.

1 Coríntios 8:12

Haska wakĩ Cristonabu huĩti babubu hatũ xinã txakabuwamakĩ mã Cristo txakabuwariaii.

1 Coríntios 9:22

Ha inũ, Jesus ikũwãkatsis ibiai ikũwaĩ kayabi iriama babubu merabewai hatu kuxipa wakatsi iki hatube hiweshũ yusĩa bika yuiama hatu keskari eari babu keska ẽ hiwemiski. Jesus ikũwaĩbu itxapabu Deusũ hatu duawakĩ eari hau ea duawashanũ, iwanã, hawẽ kakape yusĩkubauni tsuabura yura betsa betsapa ikũwãmanũ ika haska hiweabu keska hatube hiwekũkaũkĩ ẽ yusĩtãmiski, kaneamarã. Haska tibi kakape ẽ hatu yusĩmiswẽ taea habias nũ txibãmiswẽ taeshũ hatubetã manakuti pepa ẽ binũbariaii.

2 Coríntios 11:21

Hakia nukurã, ha dukũ matu anu kai taeirã, nũ babu kaĩtãyamaki, dakekĩ haska yuitimabiakẽ ẽ matu yuiairã. Hakia natiã betsabũ hãtxa kuxipawẽ matu hãtxa wamis keska wakĩ eãri natiãri ẽ hãtxa tatima kuxipawẽ ẽ matu yuiaii.

2 Coríntios 11:29

Yura betsã bika tenei babuaya hawẽ nuikĩ ẽ habetã teneai keskamiski. Ha inũ, yura betsã ikũwaĩbu babu wakĩ txakabuwamaya tsuãra hatu txakabuwamaiwẽ ẽ hatuki sinatahairamiski.

2 Coríntios 6:3

Deus nũ dayashunaiwẽ taeshũ hau tsuabũra: “Mã kaneaii”, iki hau nukukiri hãtxayamanũbũ pe hiwekũkaĩkĩ nũ tsua kanekĩ uĩmatxakaismaki.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

1 Pedro 2:16

Ha inũ, Deusũ kupiti Jesusũ txanima ma matu binumaniki. Haskawẽ taeshũ: “Ẽ ma kupiti hayamaki”, itã matũmebi ana txakabu unãti wamanũ ika ana haska xinãyamakubaĩkãwẽ, ana Deusũ kupitiki dateama hawẽ tsumabu pepa besti ikubainirã.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.

Apocalipse 2:14

Mã haskabia kanei eska tibi matu anu hayabu matu yuinũ nĩkakãwẽ. Ha mã habube itxabiamis hatiribũ Balaãonẽ yusĩni putabumaki. Israelbu hau Deuskiri txakabushanũbũ Balaãonẽ nawa shanẽ ibu Balaque yusĩtxakakĩ yuikĩ: Hatu beyusmakĩ yushĩ dami kẽwãti betsa nami inãxinabu hatu pimashãwẽ, ani inũ matũ bake txipaxbe hatu txutanamemati hatu xinãmashãwẽ, ani haska heneabumaki.