1 Coríntios 7:2 - Kaxinawá Bíblia (BR)

² Hamẽ dasibibu txutanamekatsi ikirã, huni tibi hau meribi aĩyanũbũwẽ. Habiaskariai aĩbu tibiri hau meribi beneyarianũbũwẽ. Hamẽ mã haskabumarã, atimapa hiwei mã txakabuskubaĩtirubuki.

Kashinawa : Diosun Jesúswen taexun yuba bena yiniki

² Jamen dasibibu chutanamekatsi ikidan, juni tibi jau medibi ainyanunbunwen. Jabiaskadiai ainbu tibidi jau medibi beneyadianunbunwen. Jamen man jaskabumadan, atimapa jiwei man chakabuskubaintidubuki.

1 Coríntios 7:2 Referencias Cruzadas

Provérbios 18:22

Tsuãra aĩbu pepa biarã, hawẽ taea pepa besti hayakũkaĩshanikiki. Senhor Deusũ hawẽ mia duawakatsi hawẽ pepa mia uĩmakubainikiki.

Provérbios 19:14

Hiwe pepa inũ mabu sharabu hatũ ibubu anua bimisbuki. Hakia aĩbu unanepa Senhor Deusũ besti hatuki nukumakubaĩmiski.

Malaquias 2:14

Hakia: “Haskakĩ nukũ inãkuĩ nami Senhor Deusũ nuku dananaĩ ikimẽkaĩ?” ika mã yuka ikairã. Eskaki, matu yuinũ nĩkakãwẽ. Berunã aĩyãtã hawa heneama habe hiwekũkaĩkatsi mĩ habe yubakabiani mĩ haska habe yubakani habe hiwei ikibi ikama itxakawakĩ putai mimebi mĩ parananaĩ Senhor Deusũ matu uĩkĩ unaĩwẽ taeshũ matu danãkubainikiki.

Mateus 5:32

Hanua huni betsã hawẽ aĩ huni betsabe txutanameamabiakẽ henekatsis ikĩ hawẽ aĩ hawamabiakẽ henebainarã, hanua aĩbu haska xinãmabiakẽ ha hunĩ ma putabaina hanushũ ha hunĩ txakabuwẽ taea hanu aĩbu hawẽ benẽ txakabumaikiki, bene betsa benatikiri xinãmakinã. Hanu aĩbu hawẽ benẽ ma henebainima huni betsã ha aĩbu habe biakanãtã habe txutanamei pebiairã, huni betsã aĩbe txutanamei keskaikiki.

1 Coríntios 6:18

Cristo nuku mawashunaya paka keska watã Deusũ nuku ibu wakĩ Jesusũ yura nuku waniki. Hawẽ Yushĩ Pepa nuku inã nukube dasia hiweawẽ taeshũ nukũ yurarã, ana nukunamaki. Haskakẽ nukũ yura meribi pe mekekĩ hawẽ Deus kẽwanãkãwẽ. Hamapai txakabu nũ amis Deusũ abuamabiakẽ hakia ibubis nukũmebi txakabu aki nũ txutanameairã, nukũ yura ibubis nũ txakabuwaii. Hanua aĩbu mĩ aĩma txutakĩ mĩ yura detsis keska wakĩ Deusũ Yushinĩ hiwe mã txakabuwaii, detsis keska wakinã. Haskakẽ tsuabũra aĩbu mĩ aĩma txutanũ, iwanã, ha xinã henetã ana hari mapuyamakubaĩkãwẽ.

1 Coríntios 7:1

Ea kene bemakĩ hawara mã ea yukaima matu yuinũ nĩkakãwẽ. Hunĩ aĩbu bikatsi ikama inũ txutakatsi ikamarã, haska peki.

1 Coríntios 7:3

Haskakatsi ikama aĩbube biakanãtanã hunĩ hawẽ hina yauxiama inũ aĩbũri hawẽ shebi yauxiamari hau txutanamekubainũbũwẽ.

1 Coríntios 7:9

Aĩyã inũ beneya pekẽ hau biakanãkubainũbũwẽ. Hamẽ tsuabura aĩbuwẽ kemukĩ mã xinã heneama txutakatsis ikairã, hau aĩbu bikubainũbũwẽ. Aĩburi hau beneyarianũbũwẽ.

Efésios 5:28

Habiaskariai hawẽ bene hawẽ aĩbe ketashameshũ abuirã, hawẽ yura keskawẽ taea hunibũ hatũ aĩwẽ hau nuikubainũbũwẽ. Haska xinãkinã, hatũmebi hatũ yurawẽ nui keskakĩ hatũ aĩ abukanikiki.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

1 Tesalonicenses 4:4

Haska inũ, Deuskiri unãma inũ ikũwãbumã aĩbuaibu tibiwẽ kemukĩ txutabaũmisbu keska iyamakubaĩkãwẽ. Hakia Jesus ikũwaĩ aĩyãkatsis ikĩ shabakabi Deus uĩmai pe hiwenũ ika habe biakanãtã nuitapawama hatũ mabu mekei hau pe besti ikubainũbũwẽ, hatũ aĩbe menamei txutanameirã.

1 Timóteo 4:3

Ha hunibũ yusĩanã, aĩyaĩ inũ beneyatikiri inũ piti betsa tibikiri piaibu nemamisbuki. Hakia Deusũ piti xarabu damiwani tsuabũra habũ Cristo ikũwaĩbũ txanima unãkĩ Deus kẽwãtã pitirububiakẽ ha piti betsakiri hatu nemamisbu habũ mesewakĩ yusĩaĩbu nĩkakĩ txibãshãkanikiki.