1 Coríntios 4:2 - Kaxinawá Bíblia (BR)

² Tsuara shanẽ ibu betsã hau hawẽ daya ashunũ yunuarã, hawẽ hãtxa nĩkatã txibãkĩ hau uĩmakubainũwẽ, kaneamarã.

Kashinawa : Diosun Jesúswen taexun yuba bena yiniki

² Tsuada xanen ibu betsan jau jawen daya axunun yunuadan, jawen jancha ninkatan chibankin jau uinmakubainunwen, kaneamadan.

1 Coríntios 4:2 Referencias Cruzadas

2 Reis 22:7

Huni pepa hawa yumetsuisbumawẽ taeshũ hawẽ kẽwãti hiwe mekenikabu peikiri hau hatu unãti wakĩ yukayamashanũ Hilquias ea yuishũriatãwẽ”— aka Safã kashũ hawẽ shanẽ ibũ hãtxa Hilquias yuia

Provérbios 13:17

Hãtxa bunika txakabunã, hatũ hãtxa txani peama hatu txakabu tueshũmiski. Hakia hãtxa bunika pepã hatũ hãtxa pepa txanikĩ hatu daewakĩ benimawamisbuki.

Números 12:7

Hakia ẽ tsuma Moisés pepa dasibibu binua txĩtuĩsmabe hãtxairã, ẽ haskaismaki.

Mateus 25:21

hawẽ shanẽ ibũ yuikĩ: “Mĩ ẽ tsuma pehaira kaneismaki. Eskarabes ẽ mia yunubiabaini inãnanãkĩ hawa benuama mĩ pe mekekĩ kaneama ixiãwẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Mateus 25:23

hawẽ shanẽ ibũ hari yuikĩ: “Mĩ ẽ tsuma pehaira kaneismariki. Eskarabes ẽ mia yunubiabaĩyama inãnanãkĩ hawa kaneama mĩ pe mekekubaĩxinawẽ taeshũ ana daya itxapa ẽ mia yunushanaii. Haskawẽ taea natiã ebe benimatxakayamariwe”, akaya

Lucas 12:42

Jesusũ yuikĩ: —Eska keskaki. Shanẽ ibu betsa txai kakĩ hawẽ tsuma unãnepa yunubaĩmiskiri matu yuinũ nĩkakãwẽ. Hawẽ tsuma betsabu pimakĩ hau hawẽ hiwe mekeshũkubainũ hatũ shanẽ ibũ hawẽ tsuma unãnepa yunubaĩmiski.

1 Coríntios 4:1

Nukurã, nũ eska bestiki, nuku xinãkãwẽ. Cristõ daya ashuĩ nũ hawẽ merabewanika bestiki. Haskawẽ taeshũ nukũ xinã benawatã nuku yununiwẽ taeshũ Deusũ hawenabu matu wakatsis ikĩ hawẽ kakape yubakani hunekubirani ma shabakabi nuku matu yusĩmakubainikiki.

1 Coríntios 4:17

Mã haska xinãnũ Timóteõ ebetã Cristo txibaĩ ẽ bake keska txĩtuĩsma hau matu merabewanũ matu anu ẽ nitxiaiĩ. Ha ẽ abumistũ nukũ Shanẽ Ibu ikũwãkĩ txibãkĩ hawẽ yunuti inũ hawẽ nemati ashũkubaĩkĩ ikũwaĩbu itxati tibi anushũ haska ẽ yusĩkubauni keska shabakabi Timóteõ matu yusĩ kaikiki. Nĩkairashãkãwẽ.

1 Coríntios 4:3

Mã ea danã duakabiaiwẽ taea haska bestikiri ẽ xinãyã matũ besti mã ea atiruki, haska mã yura itxapabubetã ea unãti wakatsi ikairã. Emebirã, haskatã ẽ xinã emebi ẽ unãti watirumaki.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

Colosenses 1:7

Mã haska ikaiburã, nukũ haibuhaira Epafrasĩ nuku keska Cristõ tsuma nukube dayakĩ matu anushũ txĩtuãma matu nuku yusĩshũkubaĩmis

Colosenses 4:17

Ha inũ, Arquipo yuikĩ: “Nukũ Shanẽ Ibu Jesus Cristõ mia katushũ hawẽ daya mia yununi hawa kaneama hau pe dayashũkũkaĩnũ”, ea yuishũshãkãwẽ.

Colosenses 4:7

Nukubetã ikũwaĩ nũ habe abunamemis Tíquico txĩtuãma nuku merabewakĩ nuku keskakĩ nukũ Shanẽ Ibu dayashũmistũ ekiri kaka matu bushũkĩ yui kaikiki.