1 Coríntios 15:50 - Kaxinawá Bíblia (BR)

⁵⁰ Ẽ betsabu inũ ẽ puibuũ, ana matu yusĩkubainũ nĩkairakãwẽ. Nukũ yura kayabi txapumiswẽ taea hiwekuĩ niti ikama nũ hawẽ itirumawẽ taea habias yura kuĩ nai anu Deusbe hiwetirumaki.

Kashinawa : Diosun Jesúswen taexun yuba bena yiniki

⁵⁰ En betsabu inun en puibuun, ana matu yusinkubainun ninkaidakanwen. Nukun yuda kayabi chapumiswen taea jiwekuin niti ikama nun jawen itidumawen taea jabias yuda kuin nai anu Diosbe jiwetidumaki.

1 Coríntios 15:50 Referencias Cruzadas

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

1 Coríntios 1:12

Matu tibikiri ea yuikĩ: “Nukũ betsabu ha irabekĩ yuikĩ: ‘Eãnã, Paulõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Apolõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Pedrõ nuku yusĩmis besti ikũwãkĩ ẽ txibãkubainaii’, ikaya betsari: ‘Eãnã, Cristõ nuku yusĩni besti ikũwãkĩ ẽ txibãkubainaii’, ikĩ haska yuikubaĩkanikiki”, ea waxinabuki.

1 Coríntios 15:42

Nukũ yura bestẽwãkĩ betsa washanairã, habiaskari tibi nuku washanikiki. Mawa maiwabu yura txapumiski. Hamẽ bestẽwãkĩ yura bena txapuisma nuku tibi inãshanikiki, Deusunã.

1 Coríntios 15:44

Yura kayabi himia mawa maiwabu ha yura besteĩnã, Yushĩ Pepaya nũ bestẽshanaii. Yura kayabi nũ ma hayakẽ yura bena hawẽ Yushĩ Pepatũ hiwemaya nũ hayashanaii.

1 Coríntios 6:10

Ha inũ, yumetsumisbu inũ, hawara betsana uĩ kemuhairamisbu inũ, paẽmisbu inũ, yupukunamisbu inũ, yura betsa parãtã yumetsumisbu inũ, yauxi inãnanãkatsi isbuma haburi beshtekeabumari nai anu Deusbe hiweama ishãkanikiki.

1 Coríntios 6:13

Hamẽ betsarã, piti pikĩ yaniwai nũ hiwenũ Deusũ piti nuku washuniki. Ha inũ, nukũ haturã, haki piti nanekĩ nũ yaniwa hiwenũ nukũ hatu nuku washuniki. Habiaskabiakẽ betsatianã, piti inũ nukũ hatu ha dabe yama washanikiki. Haska inũ, nukũ yurarã, eskaki. Nĩkakãwẽ. Nukũ yurawenã, hawẽ hamapai betsa betspabube txutanametima Deusũ nuku waniki. Hakia nukũ Shanẽ Ibu Jesusunaki, nukũ yurarã. Na nukũ yurawẽ nukũ Shanẽ Ibu nũ dayashũtiruki.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

1 Coríntios 7:29

Ẽ betsabu inũ ẽ puibuũ, ma bari keyui kemaya aĩyãkĩ matũ aĩkiri besti xinãma nukũ Shanẽ Iburi xinãkubaĩkãwẽ.

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

2 Coríntios 9:6

Hanua haska hunĩ eskarabes mibaĩmatũ yunu ewai kaniai eskarabes tsekamis inũ, hunĩ mirima mibaĩma hawẽ yunu ewai kaniai akũhaira tsekamisrã, haska keska xinãkãwẽ.

Gálatas 3:17

Hanua ma ana 430 bari kaya hawẽ yusĩa Moisés yuibia dasibi Deusũ Abraão bebũkiri yubani maewamakĩ txipu Moisés hawa betsa wamama iniki. Haskakẽ hawara Deusũ Abraão yubani hawa betsa wama ashũkubaĩshanikiki.

Gálatas 5:16

Eska ẽ matu yusĩmis ana matu yuinũ nĩkakãwẽ. Hawara Deusũ Yushĩ Pepatũ matu yusĩa nĩkatã haskai besti pepai hiwekubaĩkãwẽ. Hamẽ haska xinã txakakĩ matũ yurã haska abuai matu amanũ, iwanã, yunuaiwẽ matũmebi txakabukĩ xinãyamakubaĩkãwẽ.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Colosenses 2:4

Haska matu yuikinã, hau ana tsuãra yusĩa betsawẽ ana matu parãyamanũbũ Cristo besti unãnepahairakiri ẽ haska matu banabimaii.

2 Timóteo 4:18

Txakabu dasibi nukũ Shanẽ Ibũ ea binumakubaĩkĩ hanu shanẽ ibuai pepa hawẽrua nai anu ea pashawatã ea mekeshanai ẽ unaiĩ. Haskakẽ niti ikama ha duawakĩ kẽwanãkãwẽ. Haskakirã.