1 Coríntios 15:47 - Kaxinawá Bíblia (BR)

⁴⁷ Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

Kashinawa : Diosun Jesúswen taexun yuba bena yiniki

⁴⁷ Ja dukun juni Adán wakin Diosun mai mishpu bixun jawen yuda damiwanikiaki. Jamen yuda Cristodan, nai anua jui juni kuin yuda bitan kainiki.

1 Coríntios 15:47 Referencias Cruzadas

Gênesis 2:7

Senhor Deusũ mai mishpu bitã damiwakĩ ha keska wakĩ huni hiwemanũ ishũ hawẽ dekĩ anu shũ aka huni haskai hiwei taenikiaki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

João 3:31

ana habias xinãwẽ Joãonẽ hatu yuikĩ: —Tsuara mai anua baarã, mai anu hiweshũ haska dasibi mai anuari tapĩ hãtxamisbuki. Hakia ha hunirã, Deus anua tashninishũ yurabu dasibi binukĩ Deus anua nĩkakĩ uĩtã haska txanibiaya tsuã hawa nĩkama danãkanikiki.

João 6:33

Ha misi Deusũ yurabu dasibi inãkatsi ikairã, ha nai anua butunitũ hatu dasibi hiwekuĩmatiruki— hatu wa

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

1 Coríntios 15:46

Nuku damiwakĩ taewakinã, ha dukũ yura kayabi Deusũ nuku waniki. Ha katxu Deusũ nuku bestẽwãyã hawẽ Yushĩ Pepatũ yura bena nuku inãshanikiki.

2 Coríntios 5:1

Haska inũ, na mai anu nukũ yurawẽ nũ hiwea peã shubuwẽ nũ hiweyua keskabukiaki, hatiara hawaira nũ debushanairã. Hakia nai anu nukũ hiwe nũ hanu hiwei kashanairã, Deusũ ma nuku akibi ashuniki, yurabũ hiwe wamis keskamarã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.