1 Coríntios 14:37 - Kaxinawá Bíblia (BR)

³⁷ Haskakẽ tsuabũra xinãkĩ: “Deusũ Yushĩ Pepa haya hawẽ hãtxa ẽ shabakabi yuishũtiruki”, iwanã, ẽ kene uĩkĩ: “Nukũ Shanẽ Ibũ Paulo nuku yusĩmaniwẽ taea yusĩa pepaki”, iwanã, unãshãkanikiki.

Kashinawa : Diosun Jesúswen taexun yuba bena yiniki

³⁷ Jaskaken tsuabunda shinankin: “Diosun Yushin Pepa jaya jawen jancha en xabakabi yuixuntiduki”, iwanan, en kene uinkin: “Nukun Xanen Ibun Pablo nuku yusinmaniwen taea yusian pepaki”, iwanan, unanxankanikiki.

1 Coríntios 14:37 Referencias Cruzadas

Números 24:16

Nishi pae atã uiã keska shabakabi ẽ uĩshuki. Deus kushipahaira dasibi binuatũ ea hãtxa inã nama keskawẽ ẽ ma uiãki.

Lucas 10:16

habũ txibaĩbu betsabu yuikĩ: —Tsuabura ẽ hãtxa mã hatu yusĩayã matu nĩkakĩ eari nĩkashãkanikiki. Hamẽ tsuabũra matũ hãtxa danãkĩ enari danãriashãkanikiki. Ha inũ, ea danãkĩ hatũ ea yununiri danãriashãkanikiki— hatu watã hatu nitxiã bunibukiaki.

Romanos 12:3

Haskakẽ Deus ewẽ nuikĩ ea duawakĩ hawẽ hãtxa yuishunika kuxipa ea waniwẽ taeshũ matu yusĩnũ ea nĩkakãwẽ. Haska matu tibibu Deusũ duawakĩ matu ikũwãmakeakea xinãkĩ unãtã matũmebi xinã txakakĩ yuikĩ: “Ẽ huni pepakẽ Deusũ ea katuniki”, iwanã, xinaĩ ibubis kẽhairayamakubaĩkãwẽ, betsabube hãtxairã.

1 Coríntios 14:29

Habiaskari tibiri Deus yuishunikabũ hawẽ hãtxa shabakabi yusĩaĩbu yusĩnika dabe kasmai dabe inũ bestitũ hatũ hawara yuitirubuki. Yusĩayã yusĩnika betsabũ nĩkakĩ hawẽ hãtxa hãtxa kayabimẽkaĩ? hau yukakĩ unãkubainũbũwẽ.

1 Coríntios 14:36

Deusũ kakape yusĩkĩ taewakĩ matu anu dukũ tashnimama inibu mã unaiĩ. Ha inũ, hunibũ yusĩkĩ matu anu besti yusĩama irianibuki.

1 Coríntios 14:38

Hakia tsuãra ẽ yusĩa danãyã Jesusũ ha yusĩnãri danãriashanikiki.

1 Coríntios 2:15

Tsuabura Yushĩ Pepa hayatunã, txakabu inũ pepa unãtirubuki. Hamẽ ha Yushĩ hayamatunã, Yushĩ Pepa hayabu unãti watirubumaki, txakabu inũ pepa wairã.

1 Coríntios 3:1

Ẽ betsabu inũ ẽ puibuũ, ẽ matube hiweyukĩ habũ Jesus ikũwãkĩ hawẽ Yushĩ Pepa nĩkakubaĩmisbu mã hatu keskamakẽ matu yusĩkĩ dama ikũwãkĩ matũ xinã mestẽriama mã bakeixta keskabukẽ unãshubira Cristokiri ẽ matu unãmakubainiki.

1 Coríntios 7:25

Hamẽ betsarã, beneyariabumakiri mã ea yukaima haskakiri nukũ Shanẽ Ibũ ea yunuamabia ewẽ dabanã ikĩ ea duawa hawẽ kuxipawẽ yununikai ẽ txĩtuãmawẽ taeshũ matukiri haska ẽ xinaĩ matu yusĩnũ nĩkairakãwẽ.

1 Coríntios 7:40

Hamẽ aĩbu hawẽ bene mawakẽ ana bene betsa bikatsi ikama ikũwã besti benimai hiwetiruki. Haska Deusũ Yushĩ Pepatũ ea xinãmaya haska xinãkĩ ẽ matu yusĩaiĩ.

1 Coríntios 8:2

Tsuãra haska tibi aki: “Ẽ unã keyuaii”, mã ibiairã, haskai unãnepati kayabi mã unã keyuriamaki.

2 Coríntios 10:12

Haska nũ yusĩmis yusĩnã betsabũ hatũ yusĩawẽ matu nuku danãmakĩ putamakatsi ikanikiki, haska hatũmebi yusĩtxakai kanei ẽhẽ iki atimapakinã. Ha binunãnaĩ keaĩbu keska nũ haska hayamaki.

2 Coríntios 10:7

Hatiritũ xinã txakakĩ yuikĩ: “Cristoki dasia nũ hawenabuwẽ taea ẽ unãhairaii”, mã ikaibunã, nukurã, nũ habias Cristoki dasia nũ hawenaburiki, uĩkĩ hau xinãnũbuwẽ, shabakabi nũ ikũwaĩnã.

Gálatas 6:8

Tsuabũra ibubis txakabu xinãkĩ kanemisbu Jesus ana huaitiã Deusũ kupikĩ mawatxakamakĩ hatu isĩ tenemahairashanikiki. Hakia tsuabũra Deusũ Yushĩ Pepa nĩkakĩ kanebiatã hawẽ yusĩa txibãkĩ heneabumakẽ Jesus ana huaitiã Deusũ hatu hiwekuĩmashanikiki, ikibi imakinã.

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

1 João 4:6

Hakia nukurã, nũ Jesusũ kuxipayaburã, nũ Deusũ bakebuki. Nũ yusĩayã habũ Deus unãkĩ nuku nĩkaibũ habũ Deus unãbumã nuku nĩkaisbumaki. Ha haskaburã, haratura txanima Yushĩ Pepa haya inũ haratura paranã yushĩ hayabu nũ unãtirubuki.

Judas 1:17

Hakia ẽ betsabu inũ ẽ puibuũ, ẽ matuwẽ nuiairã, nukũ Shanẽ Ibu Jesus Cristõ hawẽ kuxipayabu hatu yunua haska habũ matu yusĩni ana matu xinãmanũ xinaĩrakãwẽ.