1 Coríntios 14:20 - Kaxinawá Bíblia (BR)

²⁰ Ẽ betsabu inũ ẽ puibuũ, matubunã, haska bakeixtã hawa unãma xinãmis keska ana iyamakãwẽ. Hakia bake mixtĩbu parananaĩ txakabuwama imisbu keskai tsuabura mã ma ewarã, ana unaĩspama haskakiri xinaĩrakubaĩkãwẽ.

Kashinawa : Diosun Jesúswen taexun yuba bena yiniki

²⁰ En betsabu inun en puibuun, matubunan, jaska bakeishtan jawa unanma shinanmis keska ana iyamakanwen. Jakia bake mishtinbu padananain chakabuwama imisbu keskai tsuabuda man ma ewadan, ana unainspama jaskakidi shinaindakubainkanwen.

1 Coríntios 14:20 Referencias Cruzadas

Neemias 4:13

taeshũ hau habũ nuku uĩshunũbũ mishki kene uke merã hiwe ibu tibi hawenabu hunibuyabi hatũ matxatu txaipa kenuhaira inũ, hatũ hashi txaipa inũ, hatũ pia itxapaya hanu kene txãpa anu inũ beshpa anu hau mapubaunũbũ ẽ hatu yunua

Isaías 11:3

Hatũ hatu unãti wakinã, bemakis hawẽ beruwẽ besti uĩtã hatu unãti wama inũ, haska betsabũ yui kakaibu nĩka bestitã hatu unãti watiruma ishanikiki.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 18:3

nuku yuikĩ: —Ikũ ẽ matu yuiaii. Bake mixtĩbũ hawa dateama ea ikũwaĩ txĩtũkatsi ikama ea txibãkubaĩtirubuki. Tsuabura haska keskariakĩ hawa keãma ea ikũwãkĩ txibãmarã, nai anu mã ebe hiwei shanẽ ibutirumahairaki.

Mateus 19:14

uĩkĩ Jesusũ nuku yuikĩ: —Hatũ bake mixtĩbu ea anu iweaibu hatu nemayamakãwẽ. Deus shanẽ ibuaitianã, na bake mixtĩbu eki dateabuma keskabu besti Deuski dasishãkanikiki— nuku watã

Mateus 19:4

Jesusũ hatu yuikĩ: —Deusũ hãtxa Moisés nukũ shenipabu yusĩshũ kenenirã, mã uĩsmamẽ? Matu yuinũ nĩkakãwẽ. Deusũ damiwakĩ taewakinã, huni inũ aĩbu damiwaniki. Hanushũ Deusũ Moisés yurabu hatu yusĩmakĩ yuikĩ: “Hunĩ aĩbu aĩwãkatsi hawẽ ibubu dapashkabaini ka aĩyãtã hawẽ aĩbe ketashameawẽ taea ana yura dabema habias yura bestitxai keska hiwetirubuki”, aniki.

Lucas 18:17

Ikũ ẽ matu yuaii. Bake mixtĩbũ hawẽ ibu abumis keska wakĩ Epa Deus abuabuma Deus shanẽ ibuaitiã haki dasiama ishãkanikiki— hatu wa

Romanos 1:13

Ẽ betsabu inũ ẽ puibuũ, haska judeubuma mae betsa betsapa anu hiweabu ẽ hatu yusĩmis keska wakĩ matukiriri xinaĩ mã Roma anushũ Jesus ikũwaĩbu ana matu ikũhairawamakĩ inũ betsabũ ikũwãriabuma Jesus hatu ikũwãmanũ ika mã Roma anu hiweabu ẽ matu yusĩ kakatsis ikaii. Matu uĩnũ ika ẽ yubakabiakũkainaya hamapai betsa betsapatũ ea teawa matu anu ẽ kariamaki.

Romanos 16:19

Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

1 Coríntios 13:11

Eskaki. Nĩkairakãwẽ. Bake mixtĩbũ pesheixta unãkĩ hawẽ hãtxawẽ yuikĩ hawẽ xinãnẽ xinãkĩ hawara bake mixtĩbũ unãmis eãri ẽ unãniki. Hakia huni ewatã bakeixtã xinã henetã huni ewã xinãnẽ ẽ xinãmiski.

1 Coríntios 14:19

iwanã, ikũwaĩ betsabube itxashũ itxapabu yusĩnũ, iwanã, 10.000 ha hãtxa ea nĩkabuma hãtxawẽ ẽ yusĩkatsi ikama hakia hãtxa shabakabi mekẽ bestiti dasibibũ nĩkatirubu ẽ yusĩkatsis ikaii.

1 Coríntios 2:6

Haskakẽ mã unãnepabũ Jesus ikũwãtã ma pe tapĩkĩ mã mestẽwaĩ ha unãnepa hãtxawẽ haska wakĩ nũ matu haska yusĩaĩnã, hawa txakabumaki. Hakia na mai anua haska shanẽ ibukĩ unãnepabũ ibubis hatũ xinãnẽ amisbu keskama inũ habu shanẽ ibu kuxipakĩ yunubaũmisbu keska haska kuxipa xinãwẽ nũ matu yusĩsmaki. Hatũ kuxipa inũ hatũ unãnepa keyuaya nukuna Deusũ nuku inãkubainai keyuismaki.

Efésios 4:13

Haskakũkaini dasibi putanameama ikũwaĩbuki dasitã Deusũ bakekiri tapĩkubaĩkĩ Cristo ikũhairawai hawa xinã betsa wama Cristokiri unãnepai dasibibu nũ itirubuki.

Filipenses 1:9

Deus yukakĩ matu ea ashũkinã, hau hawẽ nui itxapawẽ matu ewawakĩ hau apakenũwẽ, heneamarã. Haska wakĩ Deusũ matu unãnepa wakĩ nĩkanika hau matu wakubainũ, iwanã, ẽ matu yukashũmiski,

Filipenses 3:15

Tsuabũra nũ ma ikũwã kayabiai pepabunã, haska xinãnãkãwẽ. Ẽ xinaĩ keska tsuabũra habias keska mã haska xinãmakẽ haska ha hamapaikiri Deusũ yusĩkĩ matu uĩmakĩ matu unãmatiruki.

1 Pedro 2:2

Bakeixta kaĩ taea txutxu beya wamakĩ amabu hawẽ yumeti unãmis keskakĩ nukũ Shanẽ Ibu Jesusũ yusĩa kayati wakĩ hawẽ huĩti kuxipanũ ishũ hawẽ hiwekuĩ pashati hãtxa tapĩ mestẽkubaĩkãwẽ,

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro