1 Coríntios 14:12 - Kaxinawá Bíblia (BR)

¹² Haratura matũ aka pepawẽ Yushĩ Pepatũ matu merabewatirurã, ha hayakãwẽ, ikũwaĩ tibirã. Haskawẽ taeshũ Deus mã dayashũkatsis ikĩ ha dukũ ikũwaĩbu betsabu merabewaxarakatsi mã ikairã, hawẽ kuxipa yukakubaĩkãwẽ.

Kashinawa : Diosun Jesúswen taexun yuba bena yiniki

¹² Jadatuda matun aka pepawen Yushin Pepatun matu medabewatidudan, ja jayakanwen, ikunwain tibidan. Jaskawen taexun Dios man dayaxunkatsis ikin ja dukun ikunwainbu betsabu medabewashadakatsi man ikaidan, jawen kushipa yukakubainkanwen.

1 Coríntios 14:12 Referencias Cruzadas

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

1 Coríntios 12:31

Haska tibi mã hayawẽ taeshũ unãkĩ matunabu merabewakubaini pe hiwekĩ hawẽ Yushĩ Pepatũ kuxipawẽ hawara pepa Deusũ abuhairai hayakatsis ikĩ yukakubaĩkãwẽ. Mã haskai pepai hiwetirubiakẽ hatũ ha binua ẽ matu yuiai nĩkakãwẽ.

1 Coríntios 12:7

Deusũ nuku yunukĩ txanima shabakabi hawẽ Yushĩ Pepawẽ nuku tibi merabenãti xarawakĩ ikũwaĩbu dasibibu pashkatima wakĩ nuku yunuakeakemiski.

1 Coríntios 14:1

Ha dukũ yura betsabuwẽ duapai mã nuitiru tapĩkubaĩkĩ Deusũ Yushĩ Pepatũ kuxipawẽ hawara Deus mã dayashũkatsis ikai yukakubaĩkãwẽ. Hakia Deusũ Yushĩnĩ matu dayamai hau hawẽ hãtxa shabakabi Deus yuishũkĩ hawẽ yurabu yusĩkubaĩkĩ henetima yukakubaĩkãwẽ.

1 Coríntios 14:13

Haska inũ, hãtxa matũ hãtxamawẽ Yushĩnĩ matu hãtxamairã, itxati hiwe anushũ yusĩ hãtxakatsirã, bebũkiri Deusbe hãtxakubaĩkãwẽ, hau ibubis kasmai huni betsã matũ hãtxa maewashũtiru matu inãnunã.

1 Coríntios 14:26

Ẽ betsabu inũ ẽ puibuũ, haska mã ikũwaĩbu itxatã hawara Deusũ matu amai merabenaĩ kuxipai mã eskakubainũbũ matu yuinũ nĩkakãwẽ. Deusũ matu tibi unãnepa waya huni betsã Deus kẽwãkatsi ikirã, nawakãwẽ. Ha inũ, huni betsãri yusĩkatsi ikinã, yusĩtirubuki. Betsari Deusũ hawara dama unãmashu txanikatsi ikirã, txanitiruki. Betsari hatũ hãtxamawẽ hãtxakatsis ikirã, hau hawẽ hãtxamawẽ hãtxanũwẽ. Betsã ha hãtxa yuiaya shabakabi hawẽ hãtxa maewashũkĩ yuishũkatsis ikairã, hau hatu maewashuni hãtxanũwẽ. Habu tibi hãtxakeakekĩ unãshubira ikũwaĩbu merabenaĩ mã kuxipanamekubaĩtirubuki.

1 Coríntios 14:5

Tsuabura matũ hãtxamawẽ Deus yuishuni mã hãtxaya huni betsã matũ hãtxawẽ haska yuiai matu maewashũamarã, ha hãtxa tashniaiwẽ tsua merabewatirumaki. Hamẽ betsarã, matũ hãtxamawẽ Deusũ Yushĩ Pepatũ matu hãtxamai pekẽ matu dasibi mã haska hãtxai ẽ abuaii. Hakia Deusũ hãtxa shabakabi yuishũkĩ ikũwaĩbu itxapa mã kuxipa wa pehairaya Yushĩ Pepatũ kuxipawẽ ha dukũ Deusũ hãtxa yuishũti yukakubaĩkãwẽ.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.