1 Coríntios 11:10 - Kaxinawá Bíblia (BR)

¹⁰ Haskawẽ taeshũ hunĩ hawẽ aĩ mekemiswẽ taeshũ aĩbũ Deus kẽwãkĩ hawẽ hãtxa shabakabi yuikĩ hatũ bushka hunekĩ tari tuashwẽ hau mayabukukubainũbũwẽ, hawẽ benẽ kuxipa unãmati wakĩ duawairã, haska wakĩ Deusũ nai tsumabũ hatũ Shanẽ Ibu duawamisbu hatu keska wakinã.

Kashinawa : Diosun Jesúswen taexun yuba bena yiniki

¹⁰ Jaskawen taexun junin jawen ain mekemiswen taexun ainbun Dios kenwankin jawen jancha xabakabi yuikin jatun buxka junekin tadi tuaxwen jau mayabukukubainunbunwen, jawen benen kushipa unanmati wakin duawaidan, jaska wakin Diosun nai tsumabun jatun Xanen Ibu duawamisbu jatu keska wakinan.

1 Coríntios 11:10 Referencias Cruzadas

Gênesis 20:16

hanushũ Sarari yuikĩ: —Uiã. Ẽ miwẽ taeshũ 1.000 prata pei heshe karuhaira mĩ pui ẽ ma inãki. Haskawẽ taeshũ ẽ hatu uĩmairã, ẽ pepaki, ẽ mia hawa meama ishianã. Ha dikabi mibe mapumisbũ ha peiwẽ unãtirubuki. Miari mĩ ebe hawa txakabuwama ishianã, mikiri hawa txakabu yuikĩ mia yuãma ishãkanikiki— anikiaki.

Mateus 18:10

ana nuku yusĩkĩ: —Na bakeixtã ea ikũwaĩ keskabu hawa keĩsbumarã, Deusũ nai tsumabũ hatu mekei ẽ Epabe beisinaĩ habe hãtxakĩ hatu merabewamisbuwẽ taeshũ hawa hatu itxakawakĩ danãyamakubaĩkãwẽ— iwanã,

1 Coríntios 11:11

Haskakẽ nũ Jesus ikũwaĩburã, hunibus aĩbuuma hiwetirubumaki. Aĩbusri huniuma hiwetirubumariki, ha dabe pashkatã hawawẽ haskatirubumawẽ taearã.

1 Coríntios 11:9

Huni damiwakĩ aĩbũ hau benewanũ, iwanã, damiwama iniki. Hakia aĩbu damiwakinã, hunĩ bitã hau aĩwãshanũ, iwanã, damiwashuniki.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.