1 Coríntios 10:7 - Kaxinawá Bíblia (BR)

⁷ Hanushũ Moisés kenekĩ: “Ouro ina awa bake damiwabu ha dami uĩ tsaushũ pi inũ mabesh aki benibaũ beyuskĩ ha dami kẽwãnibuki”, hatuki keneniki. Haska judeubũ dami betsa washũ kẽwãnibu keskarã, matũri ana haska husiayamariakubaĩkãwẽ.

Kashinawa : Diosun Jesúswen taexun yuba bena yiniki

⁷ Januxun Moisin kenekin: “Oro ina awa bake damiwabu ja dami uin tsauxun pi inun mabex aki benibaun beyuskin ja dami kenwanibuki”, jatuki keneniki. Jaska judiobun dami betsa waxun kenwanibu keskadan, matundi ana jaska jusiayamadiakubainkanwen.

1 Coríntios 10:7 Referencias Cruzadas

Êxodo 32:17

hanushũ hawenabu sai sai ikaibu Josué nĩkakĩ Moisés huai yuikĩ: —Nukũ mae anua detenamei sai sai ikaibu ẽ nĩkaii— aka

Êxodo 32:19

hatũ ushati tari hiwe pũtebaunabu anu hikitushitã ina awa bake ouro dami kẽwaĩ nawaibu betxitã uĩ hatuki sinatakĩ mati tenãmãshũ mishki sapa dabe bakebirãshu sanãtã Moisĩ puta durukui sa iki keyuaya

Êxodo 32:4

Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

1 Coríntios 10:14

Ẽ betsabu inũ ẽ puibuũ, Deusũ haskawẽ matu mekekatsis ikaiwẽ taea yushĩ dami betsa txakabukẽ kẽwaĩ ana hari buyamakãwẽ, mã ma Cristo hayarã.

1 Coríntios 5:11

Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.

1 Coríntios 6:9

Tsuãra Deusũ hãtxa nĩkama txakabukubaĩmisbu nai anu Deusbe hiweama ishanairã, mã unaiĩ. Haskakẽ mã ikũwã kayabiriamakiri ibubis beparamei parananãyamakãwẽ, mã eska husia hiweawẽ taearã. Ha betsa betsapabu txutakĩ txutabaũmisbu inũ, yushĩ damiwakĩ ha itsa betsa wabu bitã kẽwãmisbu inũ, huni aĩyãbia aĩbu betsa hawẽ aĩma txutamisbu inũ, aĩbu beneyabia hawẽ benemabe txutanamemisbu inũ, huni aĩbu ikasi txutanamemisbu inũ, aĩbu dabe menamei txutanamei itsamisbu inũ, habu txakabui beshtekeisbumarã, Deusbe hiweama ishãkanikiki.

1 Coríntios 8:7

Txanima haska tibi nukũ Epa Deusũ dami wani tsuã tapĩ keyuamaki. Haskawẽ taea Jesus mã ma ikũwãbiai betsabũ yushĩ dami betsa hawẽ kẽwãti namikiri piaibu nĩkakĩ shabakabi mã unãriabumaki. Yushĩ dami betsa kẽwãkĩ hawẽ kẽwãti piti pikĩ: “Nukũ yushĩ dami betsa nũ duawaii”, iwanã, apaunibu ana xinãkĩ hamapai nami nũ piaiwẽ taeshũ Deus nũ duawatirumaki, iwanã, pikĩ nukũmebi pepama inũ piama nũ pepamariki. Yushĩ dami betsa kẽwãkĩ mã ma beyawanirã, hatiritũ matubetã Jesus ikũwãkĩ yushĩ dami betsa hawẽ kẽwãti nami pikĩ haska hawẽ kuxipa yukapaunibu hakimama xinaĩ huĩti babukubaĩkanikiki.

1 João 5:21

Ẽ bake keskabuũ, yushĩ dami kẽwãmisbu beyanu ha dapi ana buyamakubaĩkãwẽ. Hatiski, ẽ hãtxarã. João