1 Coríntios 10:15 - Kaxinawá Bíblia (BR)

¹⁵ Na eska matukiri hãtxa yuikinã, mã huni unãnepatã matũmebi unãtinãtã mã xinãtirubu ẽ matu yuiaii.

Kashinawa : Diosun Jesúswen taexun yuba bena yiniki

¹⁵ Na eska matukidi jancha yuikinan, man juni unanepatan matumebi unantinantan man shinantidubu en matu yuiaii.

1 Coríntios 10:15 Referencias Cruzadas

1 Coríntios 10:14

Ẽ betsabu inũ ẽ puibuũ, Deusũ haskawẽ matu mekekatsis ikaiwẽ taea yushĩ dami betsa txakabukẽ kẽwaĩ ana hari buyamakãwẽ, mã ma Cristo hayarã.

1 Coríntios 10:16

Nukũ betsabube itxatã hatubetã meribi uva bimi hene watã akĩ Cristo nuku mawashuni xinãmatirã, xinãkĩ nũ amiski, Deus kẽwãkinã. Ha inũ, misi tũke tũke ashũ nuku mawashũkĩ Cristo hawẽ yura nuku inãkuĩni ha misi hawẽ xinãmati nũ piriamiski.

1 Coríntios 11:13

Hamẽ betsarã, aĩbu Deusbe hãtxairã, hawẽ bushka tari tuashwẽ mayabukuama itimẽ? Mayabukutã iti daka? Matũmebi xinãkãwẽ.

1 Coríntios 14:20

Ẽ betsabu inũ ẽ puibuũ, matubunã, haska bakeixtã hawa unãma xinãmis keska ana iyamakãwẽ. Hakia bake mixtĩbu parananaĩ txakabuwama imisbu keskai tsuabura mã ma ewarã, ana unaĩspama haskakiri xinaĩrakubaĩkãwẽ.

1 Coríntios 4:10

Nukurã, mã haskara nukukiri xinaĩ? Cristowẽ taea nũ tatĩmakenã, hakia maturã, Cristowẽ taea mã unãnepakiaki. Hamẽ nukurã, nũ babuki. Hakia maturã, mã kuxipakiaki. Nukurã, nuku itxakawakanikiki, nukuki meseamarã. Hakia maturã, matu kẽwaĩ matuki mesemisbukiaki.

1 Coríntios 6:5

Ha inũ, Jesus ikũwaĩbu ha ikaibu hau ikũwãbumã unãti wanũbũ mã yunumisbuwẽ taeshũ ẽ matu dakewaii, haskatimabiakenã. Matuburã, matu anua unãnepa betsa mã hayamamẽ, haska matu pewatirã? Mã hayariki.

1 Coríntios 8:1

Ẽ betsabu inũ ẽ puibuũ, mã ea kene bemakĩ ha yuinaka deteshũ dami yushĩ nami inãtã pikĩ matu pimakatsis ikaibukiri mã ea yukaima matu yuinũ ea nĩkakãwẽ. Ha nami dami yushĩ kẽwãkĩ inãmisbu pirã, hawa txakabumaki. Txanima haskabiakẽ hakia ikũwaĩbu betsa babubu ha nami pikĩ mã hatu uĩma ana babutirubuki, pi mã keaĩwẽ taearã, haskakĩ tsua kuxipawakĩ mã hatu merabewatirumaki, mã nui hayamarã.

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.