Marcos 9:24 - Kashinawa : Diosun Jesúswen taexun yuba bena yiniki

²⁴ jawaida jawen epan unanxubima yuikin: —En mia ikunwaiin. Ana en ikunjaidawanun uinmakin ea medabewawe— aka

Kaxinawá Bíblia (BR)

²⁴ hawaira hawẽ epã unãshubima yuikĩ: —Ẽ mia ikũwaiĩ. Ana ẽ ikũhairawanũ uĩmakĩ ea merabewawe— aka

Marcos 9:24 Referencias Cruzadas

Marcos 9:23

Jesúsun yuikin: —En mia medabewatidudan, ¿min shinanmamen? Min ea ikunwanyan jamapai betsa betsapa en mia axuntiduki— aka

Marcos 9:25

yudan kaian ichabidanbidanaibun uinkin Jesúsun yushin chakabu yuikin: —Yushin pata wakin inun juyu wamistuun, ja juni bake medanua kaindikaintanwen. Chintunkidan ana jaki jikiyamaxanwen— akaya

Lucas 17:5

jawen tsuma kushipayabun Jesús ea akin yuikin: —Nun mia ikunwanbiaya ana ikunjaidawati kushipa nuku inanwen— akabu

Lucas 7:38

june Jesúsun tae dapi danti itan jawen chakabu shinain juinti nishmajaida june kaxakin jawen beun jene besti Jesúsun tae pechiki tuis tuis axun jawen bu chaipawen jutekede atan jawen tae petsu petsu akin keyutan xeni jenewen jawen tae cha akaya Jesúsun unanbiakin uianmaken

Lucas 7:44

Jesús nasauketan ainbu uinkin Simón yuikin: —Na ainbun ea duawaidan, ¿min uiain?— iwanan —Min jiwetan en jikiai jaska wamisbu keska wakin juchukiti unpax min ea tsaunxunama ibiaxuken na ainbun jawen beunwen ea juchuxun jawen buwendi en tae ea jutekede axuki.

Hechos 10:19

ja kenaibu ninkama Pedron jaska uinxu unanun ika shinan jenediamaken Diosun Yushin Pepatun yuikin: —Uinwen. Juni dabe inun bestitun mia benakanikiki.

Hechos 10:31

ea yuikin: “Cornelioon, min Diosbe janchakin dayuimis inun jaska dasibi nuitapaibu min medabewamis Diosun uinkin shinankubainmisxun ma miwen benimaikiki. Jaskawen taexun mia yuinun ninkawe.

Efésios 2:8

Jiwekuian bikinan, nun jawawen ibubis nukun kupiti bi paxatidumabiaken Jesús nuku mawaxuni nun ja ikunwankubainaiwen taexun Dios pepajaidatun nuku duawakin nuku inani ikunwain nun ma mekeaki.

Filipenses 1:29

Diosun jawen pepawen matu kenakin katuxun ikunwanmanidan, ja besti ikunwain pepa bestitimaki. Jabiaskadiai Cristowen bika mei nuitapadiatiki.

2 Tesalonicenses 1:11

Jaskawen taea Diosbe janchakin matukidi yukakin nun jeneismaki. Diosun matu kenakin katunixun pepabu matu wakatsis ikaikidi matu yukaxunkinan, man ikunwainwen taexun jawen kushipawen jamapai pepa akin betsabube medabenamei man jiwekubainunbun en matu ea axunkubainaii.

2 Tesalonicenses 1:3

En betsabu inun en puibuun, chanima matun shinanen Jesús ikunjaidawai man ma yumei kushipai en matu unaiin. Jaskakin ana jeneama ikunwain betsabube kushipai nui jenenameyamakubainxankanwen. Man jaskaya matukidi shinankin Dios matu yukaxunkin matuwen nun Dios kenwankubainaii, jaska nuku yunuayadan.

2 Timóteo 1:4

En mia paxkabidana min ewen nui kaxaya nenu juimaxun en mia shinan jeneamaki. Jaskawen taea ana miki nukutan en mia ana uin miwen en benimakatsis ikaii.

Hebreus 12:17

Jamen Esaún chipu jawen epa yuikin: “Min bake iyua besti eadan, jau Diosun ea duawaxanun Dios ea yukaxundiawe”, atushia jakia jawen bake maxku Jacobun jawen epa Isaac padan dama Dios yukaxunkin menetan jawen epan jaska waxun Esaú ana jawawen pewatima nemabia kaxajaidakin Esaún ana yukabia jawen epan jawen yuba jaska waxun ana maewaxuntima inikiaki, jaska matubun man unanain. Man chipu jaskadiatidubuki. Uindakubainkanwen.

Hebreus 12:2

Cristo nuku ixuni jakidi dukun unankin shinankubainankanwen. Jabun nun ikunwainbu nun jaki chiti ikabu jatunan ma nuku pewaxunkubainikiki. Jaskawen taea Jesús cruzkia nuitapaidan, ja ichakawakin nuitapawaibu jawen dake shinanma nuku mawaxuniki. Jaskaidan, nuitapawabiabu mawakin binutan benima paepayabi jawen Epan xanen ibu tsauti yusiudi jabe xanen ibui tsauxanai unain iniki.

Hebreus 5:7

Ja inun, nenu mai anu yudabube Cristo jiweyua mawawen dateyamanun ika yumain sain iki kaxai jawen Epa Diosun medabewatidu shinain jabe janchakin jau jawen date yushin nemaxunun jawen kushipa ea aniki. Jawen Epan jancha ninkakin danainsmawen taexun Epa Diosun jaska wai ninkatan jawen date nemaxuniki.