Marcos 6:30 - Kashinawa : Diosun Jesúswen taexun yuba bena yiniki

³⁰ Janua jawen kushipayabu yunua butani Jesúski ana jaki dasitan jaska wakubauntanshinabu Jesúski chania akeakei meneabun

Kaxinawá Bíblia (BR)

³⁰ Hanua hawẽ kuxipayabu yunua butani Jesuski ana haki dasitã haska wakubaũtãxinabu Jesuski txaniakeakei meneabũ

Marcos 6:30 Referencias Cruzadas

Mateus 10:2

Nun jawen 12 kushipayabun nukun kenadan: Simón jawen kena betsa Pedro inun, jawen betsa Andrés inun, Zebedeon bake dabe Santiago inun, jawen betsa Juan inun,

Marcos 6:29

Jaska wakin Juan tenankanxu jawen tsumabun ninkatan bexun jatu yukatan jawen yuda bibain maiwati anu maiwanibukiaki.

Lucas 10:17

Jesúsun jatu yunuima yusinkin jatu xuxawakubauntani shinan chankanyanbi benimajaidakubidani jikibidanbidani ja 72 junibu Jesús anu ichai keyutan yuikin: —Yusinaan, isin teneaibu xuxawakin min kushipawen inun min kenawen taexun yushin chakabundi nun yunua ninkatan kaindiakubainshinabuki. Jaska watani jui nun benimajaidakunkidanaii— akeakeabu

Lucas 17:5

jawen tsuma kushipayabun Jesús ea akin yuikin: —Nun mia ikunwanbiaya ana ikunjaidawati kushipa nuku inanwen— akabu

Lucas 22:14

badi kai meshuaya Jesús jawen 12 tsuma kushipayabube jui jikitan tapu dapi dakai baxti ibainbainxun piaibun

Lucas 6:13

penaya jaki chiti ikabu dasibi jatu kena beabu 12 besti katutan jatu kenakin: “Man en kushipayabuki”, jatu wanikiaki.

Lucas 9:10

Janua jawen 12 kushipayabun Jesús anu chintunbidan jaska washinabu Jesúski chani meneabun Jesúsun jawen tsumabu janu tsua jiweabuma Betsaida dapi anu jatu iyuaya

Hechos 1:26

unankatsis ikin jawen unantiwen katukatsi unanti watan putabu Matías unanti wabu kaianyan ja katuabu Jesúsun 11 tsuma kushipayabuki Matías dasitan jatube ikunkainikiaki.