Marcos 16:18 - Kashinawa : Diosun Jesúswen taexun yuba bena yiniki

¹⁸ Ja inun, dunu pianan meabu jawa jatu piama ixanai inun, jawada mawati dau jatu amabiabu aka jawa jatu chakabuwatan tenema ixankanikiki. Ja inun, isin teneaibu jatu meabu xuxaxankanikiki— jatu watan

Kaxinawá Bíblia (BR)

¹⁸ Ha inũ, dunu pianã meabu hawa hatu piama ishanai inũ, hawara mawati dau hatu amabiabu aka hawa hatu txakabuwatã tenãma ishãkanikiki. Ha inũ, isĩ teneaibu hatu meabu shushashãkanikiki— hatu watã

Marcos 16:18 Referencias Cruzadas

Marcos 5:23

ea akin yuikin: —En bake ainbu mawakatsis ikikiki. Ebe kaxun en jiwe anuxun uinkin jau xuxanun ea mexuniyuwe— aka

Lucas 10:19

Ninkakanwen. En kushipa en matu inankin yunuimaki, jau tsuan matu meyamakubainxanunbunan. Dunuki man paia matu pia jawa man isin tenetidumaki. Ja inun, nibuki man paia matu pia jawa man isin tenetidumadiki. Ja inun, Satanásan binukin matu jawa maematidumaki.

Hechos 19:12

Pablo Diosun kushipa jaya unankin jawen tadi tuaxwen bunexekeshina inun jawen dayati tadi sawexun pekashina buxun isin teneaibu jawen jatu dakukin jawen tadiwen betsabu xuxawakin betsabu anuadi yushin chakabubu kainmakin kaya wapakeaibun

Hechos 3:12

jaskaibun Pedron jatu uinkin yuikin: —Israelbuun, ¿jaskai nuku uin man e ikanai? ¿Na juni nun xuxawaxu benitan nia uinkin nukun kushipawen nun axu man shinainmenkain? ¿Dios keskakin nun juni pepajaidawen taexun nun xuxawaxu man daka shinain?

Hechos 3:16

Jaskawen taexun Jesús ikunwankin jawen kushipawen na juni man uinmis jawen yuda jidabi kushipa wakin nun ma xuxawaxuki, jaska dasibitun man uiainan— iwanan, ana jatu yuikin:

Hechos 4:10

Jaskakenan, matu inun dasibi Israelbun man ninkaya matu shinanmanun ninkakanwen. Jabias Jesucristo Nazaret anua jaki sinatakin jiki man jatu mastama mawa Diosun ana bestenwainma ikunwankin jawen kushipa bestiwen na juni dasibibun man uiain nun xuxawashinaki.

Hechos 4:22

Ja juni chantu kaini ma 40 badi binubiaken kaya wakin damiwakin akawanibukiaki.

Hechos 4:30

Min kushipa paewen isin teneaibu xuxawakin dami atimaska tsuan atiduma min tsuma medibi Jesús min waniwen jawen kushipawen nuku amakin nuku jatu uinmakubainwen— akin

Hechos 9:34

yuikin: —Eneasiin, Jesucriston mia kaya waikiki. Benitan ja min jaki dakamis pewadiwe— aka jawaida Eneas benitan jawen yuda damestentan nikaunaya

Romanos 16:20

Man jaskai jiweawen taexun nukun Epa Diosun nuku unanuma jiwemamistun matu medabewaya man Satanás chitekin ja aka jawaida babutan matun mae anua kainkainxanikiki. Man jaska waya nukun Xanen Ibu Jesucriston jawen pepawen jau matu unanuma jiwemakubainunwen.

1 Coríntios 12:9

Betsa jabias Yushinwen jawen kushipa yunukin jawa dateama shinan betsa betsapama ikunjaidawanikabu wakin betsa isin teneaibu jatu kaya wakin xuxawanika wakinan,