Lucas 9:3 - Kashinawa : Diosun Jesúswen taexun yuba bena yiniki

³ Kaidan, man eskakanintanun matu yuinun ninkakanwen. Mais butankanwen, jawa buamadan. Mestenti betsa inun, kapankan inun, misi inun, pei matun chinexeketiki usua inun, sanpu betsa buyamaxankanwen.

Kaxinawá Bíblia (BR)

³ Kairã, mã eskakaĩtanũ matu yuinũ nĩkakãwẽ. Mais butãkãwẽ, hawa buamarã. Mestẽti betsa inũ, kapãkã inũ, misi inũ, pei matũ txinesheketiki usua inũ, tima tari betsa buyamashãkãwẽ.

Lucas 9:3 Referencias Cruzadas

Marcos 6:7

januxun jawen 12 kushipayabu kenaxun yushin chakabu kainmati kushipa jatu yunukin juni dabe tibi yunua akeakekin yuikin:

Lucas 12:22

januxun Jesúsun jawen tsumabu besti ana yuikin: —Eska bestiwen taea matunmebi man jamapaiwen dabanan imisbukidi matu yusinun ninkakanwen. Jiwe bestia pepakunkainun ika piti pi inun tadi sawenun ika jawen dabanan iyamakubainxankanwen. Jiwea jayaidan, pitiwen besti man itidubumaki. Yuda jayaidan, tadi sawe bestinun ika man itidubumadiki. Jaskaken ja dabewen taea man jiwenun Diosun matu jiwea inanma iniki.

Lucas 12:28

Jakia ni maxu juaya sepashinxun kuamisbuki. Diosun jua jawenduawamistun ja jua binumakin Dios matuwen nuikin matu tadi sawematiduki, man ikun bexmas wabiayadan.

Lucas 22:35

januxun Jesúsun jawen tsumabu yunua butanimabu jatu yukakin: —Man yusintanunbun peiuma inun kapankaunma inun tae pewetametia benauma en matu nichian man katanimadan, ¿jawa man yupaimamen?— jatu wa jabu kemakin: —Jaskamajaidaki. Dasibi nun jayaimaki— ikaibun

Lucas 3:11

Juanen jatu yuikin: —Dios daewakinan, min tadi dabeyadan, ja nuitapai tadiuma man betsa inantiduki. Ja inun, min pitiyadan, yuda betsa piti jayama man betsa inantiduki— iwanan, jatu yuikubainaya

Lucas 5:29

jawen jiwe anuxun Jesúswen benimakin piti midima jatu pewamatan xanen ibu pei bixuin padanananmisbu inun jawen jaibu betsa betsapabu jatu ichawa Leví inun Jesúsbetan piaibun

Lucas 9:4

Jaska inun, mae tibi anu buxun yusin jiwe bestichai anu jiweyuxankanwen. Januxun yusinkin menetan mae betsa anudi bukubainxankanwen.

2 Timóteo 2:4

Uinwen. Chanima soldado unanepatun jawen xanen ibun yunua besti dayaxunkatsi jawa jamebi jawen shinanen bechipai atidumaki, jawen xanen ibu besti benimawanun ikadan.