Lucas 6:38 - Kashinawa : Diosun Jesúswen taexun yuba bena yiniki

³⁸ Ja inun, jawada man jaya paxkaxun juni betsa inankubainkanwen. Jaska wai man yaushiamaken Diosdi matuki yaushiama jabiaskadi matu waxanikiki. Tsuanda man xeki inankin tana pewatan sakuki deukin yaushiama tsinki tsinki akin mata waxun man jatu inanmis keska wakin jabias shinanwendi Diosun matu manakuxanikiki— atan,

Kaxinawá Bíblia (BR)

³⁸ Ha inũ, hawara mã haya pashkashũ huni betsa inãkubaĩkãwẽ. Haska wai mã yauxiamakẽ Deusri matuki yauxiama habiaskari matu washanikiki. Tsuãra mã sheki inãkĩ tana pewatã sakuki deukĩ yauxiama tsĩki tsĩki akĩ mata washũ mã hatu inãmis keska wakĩ habias xinãwẽri Deusũ matu manakushanikiki— atã,

Lucas 6:38 Referencias Cruzadas

Mateus 10:42

Ja inun, eki chiti iki bexmasbiabun jatu unpax matsipa yukabu ea chibanmisbuwen taexun jatuwen nuikin unpax jatu amakubainmisbu chanima jawen kupiti pepa bixankanikiki— nuku aniki.

Mateus 7:2

Jamen jatuwen nuiama chitekin man jatu ja amisken jabiaskadi wakin Diosun ja man janchai ja imiswen Diosun matu ja akin chitediaxanikiki. Ja inun, jabias shinanwendi min jatu unanti wamiswen Diosun matudi unanti waxanikiki, kaneamadan.

Marcos 4:24

januxun ana jatu yusinkin: —Man yuda betsa medabewakin pewamis jabiaskadi wakin Diosun matu manakukin pepawendi man amis keskama ana matu binumaxanikiki. Januxun man jatu medabewachakamis jabiaskadi wakin Diosun matu inanchakadiakin manakukin pemawendi matu kupixanikiki, nuitapawakinan.

Lucas 6:30

Jamen tsuada nuitapai juxun min jawada mia yuka medabewakin inanyukubainxankanwen. Jamen betsadan, tsuanda min jawada bushinxun ibu wakin mia ana inankatsi ikamaken jas shinain jaki sinatayamakubainxankanwen.

Santiago 2:13

Diosun nuku eska waxanikiki. Matu yuinun ninkakanwen. Tsuabuda nun jatuwen nuisbuma Diosundi nuku unanti wai nuiama ixanikiki. Jamen tsuabuda nun jatuwen nuikubainmisbudan, janu kupikin unanti waitian jawa nuku ichakawama jatu binumakin nuku paxa wakin binumaxanikiki.