Lucas 16:1 - Kashinawa : Diosun Jesúswen taexun yuba bena yiniki

¹ januxun fariseobun ninkadiaibun Jesúsun jawen tsumabu uinkin jabudi yusinkin: —Juni betsa mabujaidaya inun bai ichapaya jabu dasibi mekexunika dayaxunmiskidi matu yuinun ninkakanwen. Jawen dayaxunikatun kanekin jawen jamapai tibi pe mekexunamaken jaki chaniabu ninkaxun

Kaxinawá Bíblia (BR)

¹ hanushũ fariseubũ nĩkariaibũ Jesusũ hawẽ tsumabu uĩkĩ haburi yusĩkĩ: —Huni betsa mabuhairaya inũ bai itxapaya habu dasibi mekeshunika dayashũmiskiri matu yuinũ nĩkakãwẽ. Hawẽ dayashunikatũ kanekĩ hawẽ hamapai tibi pe mekeshunamakẽ haki txaniabu nĩkashũ

Lucas 16:1 Referencias Cruzadas

Mateus 20:8

janua ma meshu beaya bai ibun dayaibu uinika yunukin: “Ea dayaxuntankanxu jatu kenaxun jabianus kesua pei ea jatu inan akeakeaxuntanwen. Ja dama bukanxu ja dukun jatu paka taewabainkin ja jabu dukun buabu jawen jenekin jatu pakakin keyutanwen”, aka kaxun

Lucas 12:42

Jesúsun yuikin: —Eska keskaki. Xanen ibu betsa chai kakin jawen tsuma unanepa yunubainmiskidi matu yuinun ninkakanwen. Jawen tsuma betsabu pimakin jau jawen jiwe mekexunkubainun jatun xanen ibun jawen tsuma unanepa yunubainmiski.

Lucas 15:13

uxa eskadabes ka chipu jawen bake maxkun pei binun, iwanan, jawen mabu jatu inankin keyubaini ja pei bishianyan chai kai mai pakea betsa anu kaxun jawen pei mekeama jawada betsa betsapawen kemukaunkin jawaida puta keyutan

Lucas 15:30

Jakia ja min bake maxkun ainbu jininipabubetan min pei puta keyutani mais jubiaken nukun ina awa bake xua min jamen bawaxunxuki. Jaska watimaki”, aka

Lucas 16:19

januxun Jesúsun jawen yusinti betsawen jatu yusinkin yuikin: —Juni betsa mabujaidaya inun bai ichapayatun xanen ibukin tadi pepas sawekin pei ichapa putaxun jawen jaibuaibus pimai jatube beyusi nawai benimakunkainiki, jawen shinan betsa wamadan.

Lucas 16:2

jawen tsumapan kenaxun yuikin: “Mikidi yuiaibu en ninkaidan, ¿chanimamen? En pei inun en mabu min ubisita wamiskiaki. Jaskaken jaska nuku dibiabu cuenta tibi pewaxun ea inantan ana ea dayaxunama janida kaindikaintanxanwen”, aka

Lucas 19:20

janua jawen dayanika betsadi danas inanbainima juxun yuikin: “Xanen ibuun, naki, min peidan. Benukatsi ikama dakutan en mia aduxunimaki.

Tito 1:7

Ja daya pepa ikatsi ikin jatu bebuxununbun min jatu katutidudan, bebukin Diosun enabu jatu mekemakatsi ikin jaska tibi Diosun bechipaiai akatsi ikaibu jatu katukin yunukinan, jatun jiwea jawa chakabu jayama pe besti ikubainaibu jatu akubainwen. Jatun shinan betsa maewatidubuma akama inun, sina besu akama inun, paenkatsis imisbu inun, janchawen jatu bekunyan amisbu inun, jatu bepadantan jatun pei inun jatun mabu ibubis binumatan pei ichawamis jaskabu uintan katutimaki.

Santiago 4:3

Ja inun, jawadakidi Dios man yukamiski. Januxun man yukakin man ea abia jawa man bismaki, man jamakidi yukachakaiwen taexunan, jaskadan, jaska Diosun shinain keska akatsi ikama jaska matumebi jawen bepadamei ibubis benimai man jamen chakawakatsi ikin jakidi shinainan.

1 Pedro 4:10

Jaska Diosun matu kushipa inankin duawamis jawen dayakin pewakubainkanwen, jawen duapa kushipa tibi ma matu inani man jayawen taexun betsabu uinmai medabenainan.