João 4:1 - Kashinawa : Diosun Jesúswen taexun yuba bena yiniki

^1-2 Juan binunkin Jesúsun yuda ichapa jaki chiti ikabu wakin jatun jatu nashimamabiaken nun jawen tsumabun jatu nashimapakebiaya ichati jiwe xanen ibu fariseobun ninkai jaki sinataibu Jesúsun ninkatan jatube ja ikatsi ikama

Kaxinawá Bíblia (BR)

^1-2 João binũkĩ Jesusũ yura itxapa haki txiti ikabu wakĩ hatũ hatu naximamabiakẽ nũ hawẽ tsumabũ hatu naximapakebiaya itxati hiwe shanẽ ibu fariseubũ nĩkai haki sinataibu Jesusũ nĩkatã hatube ha ikatsi ikama

João 4:1 Referencias Cruzadas

Lucas 1:76

janua epaan, miadan, ‘Dios dasibi binu keyuatun yuixunikaki’, iwanan, mia kenaxankanikiki. Janu nukun Xanen Ibu Mesías juxanai bebunkidi jawen bai min jatu pewamaxunxanaii,

Lucas 19:31

Ja inun, tsuanda matu yukakin yuikin: “¿Jawakatsi man tepeai?” matu wa yuikin: “Nukun xanen ibun biyukatsis ikikiki”, atankanwen— jatu wa

Lucas 19:34

jabun yuikin: —Nukun Xanen Ibun biyukatsis ikikiki— akabu —Peki. Buxunditankanwen— jatu wa

Lucas 2:11

Matun xenipabu xanen ibujaida Davidin mae Belén anu jaska Diosun yubani matun medabenan Xanen Ibu ma kaianki, Cristo Mesíasdan.

Lucas 7:13

Jesús jaki nukutan jawen ewa nuitapaiwen nuikin yuikin: —Kaxama nesewe— atan

Lucas 7:19

ninkatan jawen tsumabu dabe kenaxun jatu yunukin: —Jesús anu kaxun: “Mekenika Diosun nukun xenipabu yubani chanima juxanaidan, ¿min jabiamen? ¿Betsa daka nun manai?” akin ea yukaxuntankanwen— iwanan, jatu yunua

João 3:22

Jerusalén anua jancha menetan Jesús nukube Judea mai pakea anu kaxun nuku yusianyan betsabun Jesús janchai ikunwankin taewaibu nun jatu nashimakubainaya

João 3:26

Juan yuinun ika jawen tsumabu buxun yuikin: —Yusinaan, Jordán jene kexa betsaudixun nuku yusinkin jakidi min nuku kenwainmatunan, jatundi dasibi jawenabu wakin jatu nashimaya ninkatan bechibain jadi chibankanikiki— akabu

Hechos 10:36

Jamen dasibibun Xanen Ibu Jesucristonan, Israelbu anu dukun jau jabu yusinun Diosun yununiki. Januxun tsuabunda jawen janchawen unanuma jiwetidubukidi Jesús juxun jatu yusinkubainyamaki.

1 Coríntios 1:17

Jamen ea yunukin: “Ea ikunwantan jatun chakabu jenekatsis ikaibu nashimakubainwen”, iwanan, Criston ea yunuama iniki. Jakia ea yunukin: “Ekidi kakape besti datan akin jatu yusinkubainwen”, akin ea nichiniki. Matu yusin kaxun yusinan betsabu jancha jawendua besti janchamisbu keskakin eadi matu anu kaxun Cristo kenwanma man ea kenwanunbun en matu yusinidan, jamen Cristo cruzkia nukuwen taea mawanidan, jawen kushipa jakimawakin jamen en matu yusinkeaniki.

1 Coríntios 15:47

Ja dukun juni Adán wakin Diosun mai mishpu bixun jawen yuda damiwanikiaki. Jamen yuda Cristodan, nai anua jui juni kuin yuda bitan kainiki.

1 Coríntios 2:8

Na jaska xanen ibubun Diosun jatu unanmadan, jaska shinankin nukun Xanen Ibu mastama ikeanibuki. Jakia jawa xabakabi shinanbumawen taexun nukun Xanen Ibu kushipa duapa cruzki nuku mastaxunkin shinanma kanekin itsa wanibuki.

2 Coríntios 4:5

Jaska inun, mai damiwakin Diosun yuikin: “Meshu anua jau xabayununwen”, anixun jabiatundi nukun juinti anu xaba pexani keska wakin Diosun Cristo nuku unanmaya jawen kaka pepa Cristokidi nun xabakabi matu unanmakubainikiki. Jaskaken yusinkin: “Jesucristo nukun Xanen Ibu kayabiki”, ikin, “Jesucristo bechipaijaidakin nun matun dayadu bestiki”, ikin xabakabi dasibibuki chani ibubis nun keinsmaki.

Santiago 2:1

En betsabu inun en puibuun, betsadan, nukun Xanen Ibu Jesucristo pepajaida man ikunwainwen taexun yuda tibiwen nuichakai betsa katukin betsa dananyamakubainkanwen.

Apocalipse 19:16

Ja inun, jawen kena mestenepa Dasibi Xanen Ibubu Inun Dasibi Yununikabu Binukin keyuaki, ika jawen tadi chaipaki inun jawen kishi kateki ja dabeki jawen kena neaki.