João 20:30 - Kashinawa : Diosun Jesúswen taexun yuba bena yiniki

^30-31 Chanima ana jawen unanti dami ichapa Jesúsun nukun bedubi abiakubainiken dasibi en matu kenexunamaki. Jakia dasibi man uianmabia en jancha keneai uinkin ninkakin unantan: “Jesús Mesías Cristoki, Diosun bake kayabidan”, akin Jesúswen taea man jiwei ikibi ixanai man ikunwanxanunbun en matu kenexunaii.

Kaxinawá Bíblia (BR)

^30-31 Txanima ana hawẽ unãti dami itxapa Jesusũ nukũ berubi abiakubainikẽ dasibi ẽ matu keneshunamaki. Hakia dasibi mã uĩyamabia ẽ hãtxa ẽ keneai uĩkĩ nĩkakĩ unãtã: “Jesus Messias Cristoki, Deusũ bake kayabirã”, akĩ Jesuswẽ taea mã hiwei ikibi ishanai mã ikũwãshanũbũ ẽ matu keneshunaii.

João 20:30 Referencias Cruzadas

João 2:11

jaska wakin Caná Galilea anuxun dami atimaska taewakin Jesúsun jawen kushipa nuku uinmakin taewaya jawen tsumabun eskadabes ikunwankin nun taewaniki.

Romanos 15:4

Jaska dasibi Diosun jancha yuixunikatun bebunkidi kenenibudan, jaska ja keneni tapinkin shinain nun jawen jiwekubainxanunbun nuku axunibuki. Jaskawen taea ja Diosun jancha uinkin tapin nun chintuanma nuku medabewaya jawen taea benimai nun jiweibi jiwexanai nuku manakamaikiki.

1 Coríntios 10:11

En xenipabu chakabukubidanaibu Diosun jaskaibu jatu kupinikidi jau jabiaskadi nun iyamaxanunbun bebunkidi jaska ikaibukidi Diosun jancha nuku kenexunibuki, nukudi badi jawen jenei keyuaitian jiwea nun jaskadiayamaxanunbunan.

1 João 5:13

Jesús Diosun bake man ikunwainbu na yusian en matu kenexunaii, Diosbe man jiwei ikibi ika man ma jaya man unanunbunan.