João 19:15 - Kashinawa : Diosun Jesúswen taexun yuba bena yiniki

¹⁵ jaki sinatakin jancha kushipawen yuikin: —Tenandiwe! Tenandiwe, cruzki jatu mastanmatanan!— ikubainaibun Pilaton ana jatu yukakin: —¿Jaskakin matun xanen ibu kayabi jatu mastamapa?— jatu wa Diosbe nukunabu janchaxunika xanen ibubun yuikin: —Nukudan, nun xanen ibu betsa jayamaki! César besti nukun xanen ibu kayabiki. Jatu mastamadiwe!— akabu

Kaxinawá Bíblia (BR)

¹⁵ haki sinatakĩ hãtxa kuxipawẽ yuikĩ: —Tenãriwe! Tenãriwe, cruzki hatu mastãmatanã!— ikubainaibũ Pilatõs ana hatu yukakĩ: —Haskakĩ matũ shanẽ ibu kayabi hatu mastamapa?— hatu wa Deusbe nukunabu hãtxashunika shanẽ ibubũ yuikĩ: —Nukurã, nũ shanẽ ibu betsa hayamaki! César besti nukũ shanẽ ibu kayabiki. Hatu mastamariwe!— akabu

João 19:15 Referencias Cruzadas

Mateus 22:17

Jaskawen taexunan, ¿jaskada min shinainmenkain mia yukapa? Ja Romano xanen ibu Césarn nuku pei yukamisdan, ¿jaska wananxanpa? ¿Pakananxanpa? ¿Pakatimadaka?— aki

João 18:31

Pilatondi jatu yuikin: —Iyuxun jaska matun xenipabun matu yusinpauni keska wakin matumebi unanti watan kupitankanwen— jatu wa judio xanen ibubun yuikin: —Nun tenanpanan min nuku nemamiski. Jau tenanunbun mian besti min yunutiduki— akaya

João 19:6

uinkin Diosbe nukunabu janchaxunika xanen ibubu inun Templo mekenikabun jui kushipawen Pilato yuikin: —Cruzki mastawe! Cruzki mastawe!— akeakeabu jaska waxun atidubuma unanbiakin Pilaton jatu kaxe wakin ana yuikin: —Jawa chakabu jayamaki. Matunmebi iyuxun aditankanwen— jatu wa

Hechos 13:28

Januxun jawawen taexun tenantidubumabia jaska watima jau tenanunbun romano xanen ibu Pilato yunuabu

Hechos 21:36

yudan kaian jaki sinatai jachun bukin jui kushipawen yuikubainkin: —Tenankanwen! Tenankanwen!— ikubainaibun

Hechos 22:22

ja judiobu ichabun jatixun besti Pablon jancha ninkaxuntan ana judiobumakidi ninkakatsi ikama jakidi sinatakin unanxubima yuikin: —Ja junidan, nun ana jiwea uinkatsi ikamaki! Tenankin yamawadikanwen!— iki