João 17:14 - Kashinawa : Diosun Jesúswen taexun yuba bena yiniki

¹⁴ Mikidi en jaibuaibu en jatu yusianyan jabun shinan betsa wai pepaibu jabun ea dananmisbun ea jatube dananmisbuki, nun yudabun shinan keska jayamakenan.

Kaxinawá Bíblia (BR)

¹⁴ Mikiri ẽ haibuaibu ẽ hatu yusĩayã habũ xinã betsa wai pepaibu habũ ea danãmisbũ ea hatube danãmisbuki, nũ yurabũ xinã keska hayamakenã.

João 17:14 Referencias Cruzadas

Marcos 10:39

—Nun idiatiduki— akabu Jesúsun ana jatu yuikin: —Chanima ea ichakawaibu en isin tenexanai keska man tenediaxanaii.

João 17:16

Ja inun, na mai anua Dios ikunwanbuma en jatu keskamawen taea ea ikunwainbudi jatube jiwebia jabu keskamadiki.

João 8:23

Jesúsun ana jatu yuikin: —Matudan, man nenuabu bestiki. Jakia eadan, en manaundiaki. Jaskawen taea mai anua besti man baki. Jakia eadan, na mai anua en bamaki.

1 João 3:12

Adánen bake dabe inibukidi matu ana shinanmanun ninkakanwen. Caínen Satanásan shinan chibankin jawen betsa tenanikiaki. ¿Jaskadawen taexun animen? Caínen jawen jiwea pepamaken jawen betsan Diosun yunua aki pepaya jaki sinatakin tenanikiaki. Caínen jawen betsa Abel bechipaiama ini keskadiai nukubudan, jaskayamakubainankanwen.

1 João 3:13

En betsabu inun en puibuun, jabun ikunwanbuman Diosun jancha ninkama matu danain matuki dakekenainbunan, jatu uin datei e iyamaxankanwen.