Hechos 28:16 - Kashinawa : Diosun Jesúswen taexun yuba bena yiniki

¹⁶ ana kai maewan Roma anu nun jikia juni bichinibu betsabu romano xanen ibubun jau jatu ana bichinunbun jatun soldadobu yunutan jakia Pablo jaska wama jau tadi medibi jiwe betsa anu soldado bestichai jabe menexekedabetan jau mekekubainxanun yunuabu

Kaxinawá Bíblia (BR)

¹⁶ ana kai mae ewapa Roma anu nũ hikia huni bitxinibu betsabu Romano shanẽ ibubũ hau hatu ana bitxinũbũ hatũ soldadobu yunutã hakia Paulo haska wama hau tari meribi hiwe betsa anu soldado bestitxai habe meneshekerabetã hau mekekubaĩshanũ yunuabu

Hechos 28:16 Referencias Cruzadas

Hechos 18:2

judio betsa Ponto anua kaini jawen kena Áquila inun jawen ain Priscila dama duakabi Roma anua jau judiobu kainbainunbun romano xanen ibujaida Claudion jatu kainma beimabu janu Pablo jatuki bai ka jadi ka jatuki nukunikiaki.

Hechos 19:21

Januxun Pablon shinankin yuikin: —Macedonia inun Acaya mai pakea anu kaxun ikunwainbu ana uinkubauntani Jerusalén anu ana en kaxanaii. Jadi kaxun jatu uintani Roma anuabudi Diosun ea yunuaiwen taea en jatu uin kakatsis idiaii— itan

Hechos 2:10

Frigia anuabu inun, Panfilia anubu inun, Egipto anuabu inun, Libia mai pakea Cirene dapi anuabu inun, Roma anuabu inun,

Hechos 23:11

uxashini ana meshu betsatian Pablo anu nukun Xanen Ibu juxun yuikin: —Pabloon, dateama benimawe. Na Jerusalén anuxun ekidi ikunwankin min jatu yuishina keskadi wakin Roma anuxun jabiaskadi ekidi jatu yuiditanxanwen— awani kaken

Hechos 24:23

janua jawen jaibuaibun Pablo duawakin jau pimayuxanunbun jawa jatu nemama jau Pablo jawa wama mekeyununbun romano capitán jatu yunushinxun

Hechos 27:3

janu uxashini kai mae betsa Sidón anu nun keti ikaya capitán Julion Pablo duawakin jeneyua januxun Jesús ikunwainbu jawen jaibuaibuki jau jatuki bayutanunbun, iwanan, nemama kaken bechitan pimakin duawashianbu

Hechos 27:31

jakia jaskaibukidi unankin capitán Julio inun soldadobu Pablon jatu yuikin: —Jabun xaxu ibu dayaxunmisbu jabu besti paxaibunan, matudan, man jaskatan paxatidubumaki. Jatu nemakanwen— jatu wa

Hechos 27:43

jakia Pablo jatu mekemakatsis ikin soldado capitán Julion jatu nematan nunanikabu jabu dukun jau pukubain mashin mapekenunbun jatu yunua

Apocalipse 17:18

Ja inun, ja ainbu jininipa min uinxudan, ja maewanki, xanen ibu kushipa tibi yunumisdan”, ea waxuki.

Apocalipse 17:9

Ja yuinaka mese atimapajaidakidi unanepa bestibun shinankin unantidubuki. Jawen 7 buxka unantidan, 7 mati Roma anuki, jaki ainbu tsaua unantidan. Ja dikabi jawen 7 buxkadan, 7 xanen ibu jawen unantidiki.