Hechos 24:19 - Kashinawa : Diosun Jesúswen taexun yuba bena yiniki

¹⁹ Ea jabun jaska washinabu ja Asia anuabu jabu betidubuki, mia bebun xabakabi nixun ea chiteidan, en jaskashinken eki sinatai ishianbumenkainan.

Kaxinawá Bíblia (BR)

¹⁹ Ea habũ haska waxinabu ha Ásia anuabu habu betirubuki, mia bebũ shabakabi nishũ ea txiteirã, ẽ haskaxĩkẽ eki sinatai ixiãbumẽkainã.

Hechos 24:19 Referencias Cruzadas

Hechos 23:30

Jakia tenanun ika jaki yubakaibu ninkatan ja juni jawaida mia anu en yunua iyukanikiki. Mian mekeyuwe. Jabu jaki sinataibu judiobu buxun jau jadixun chitenunbun mia anu en jatu yunudiaxanaii, jau jabun chiteai miandi min ninkaxanunan. En xanen ibu pepajaida Félixiin, jatiski, en janchadan”, axun jatu bumaya

Hechos 23:35

ninkatan Félixin yuikin: —Min jaskaya jabun mia chiteshina beaibutian jatubetan en mia ninkaxanaii— atan jawa wama Herodesin jiwe itamama anuxun jau Pablo mekeyununbun jatu yunushinken

Hechos 25:16

jakia ean jatu kemakin: “Nun romanobunan, nukun yunua kushipawenan, e iskaun detenunbun nun jaska beyamaki. Jakia jau detenunbun yunukinan, ja jaki kayai jadatuda chakabu ja dabe unanti wadabetan nun jatu nematiduki, ja ikaibudan”, akin en jatu washina