Hechos 22:25 - Kashinawa : Diosun Jesúswen taexun yuba bena yiniki

²⁵ bichixun jawen nea pekatan januxun kushakatsi pewaibun janua xanen ibu bexmas capitán ja dapi nia Pablon yukakin: —Romano juni documentoyabiakenan, ¿unanti wadiama man kusha kusha atidumen? ¿Ja dikabi jawa chakabu washina unanmadi man adiatidumen? ¿Jaska man yunuai? Eadan, en matun documentoyakidan— aka

Kaxinawá Bíblia (BR)

²⁵ bitxishũ hawẽ nea pekatã hanushũ kuxakatsi pewaibũ hanua shanẽ ibu beshmas capitão ha dapi nia Paulõ yukakĩ: —Romano huni documentoyabiakenã, unãti wariama mã kuxa kuxa atirumẽ? Ha dikabi hawa txakabu waxina unãmari mã ariatirumẽ? Haska mã yunuai? Earã, ẽ matũ documentoyakirã— aka

Hechos 22:25 Referencias Cruzadas

Mateus 10:17

Man en kakapekidi jatu yusianwen taexun ikunwanbuman matu kupinun, iwanan, jatun mae xanen ibu anu matu iyuxankanikiki. Ja inun, jatun ichati jiwe anuxun ekidi man jatu yusiainbu betsabun matu kusha kusha axankanikiki. Uindaxankanwen.

Mateus 27:54

Janua romano capitán inun jabun Jesús mekekin mai pacha sakui betsa betsai uin datejaidakin yuikin: —Chanima kayaki. Na junidan, Diosun bakeki— ikaibun

Mateus 8:8

ana capitánen shinantan yuikin: —Yusinaan, min ea binua en jawamaki. En jiwe anu kama min kushipa besti yunuwe, jau en dayadu ea xuxaxununan.

Hechos 10:1

Cesarea maewan anuxun Romano capitán jawen kena Cornelio inikidi mia yuinun ninkawe. Jawen 100 soldadobu xukuaya jatu kenamisbudan, Italiano wamisbu

Hechos 16:37

jakia Pablo kaintan xanen ibun tsumabu yuikin: —Nuku dabe romano documento nun jayabiaken chanima nuku jawa yuka pewama e iskaun juni dasibibun bedubi nuku kusha kusha matu amatan nuku bichishinabuki. ¿Ikis natiandi junedi nuku kainmakatsis ikanimenkain? Jaskamaki, jau jabun ibubis nuku kainmai benunbun jatu yuitankanwen— jatu wa

Hechos 22:26

jaska wa capitánen ninkabain jawen xanen ibu comandante anu ka jaki chanikin yuikin: —Ja junidan, romano documentoyakiaki. Chanimamenkain, yukatanwen— aka

Hechos 23:17

romano soldado xanen ibu bexmas capitán betsa kenaxun Pablon yuikin: —Min xanen ibu comandante jau jawada ninkaxukidi banabimanun na bedunan iyutanwen— aka

Hechos 23:27

Ja juni jawen kena Pablo jaki sinatakin judiobun achipakebaun tenanpananbun romano documento jayaken tapintan jatu nemanun ika en soldadobube kaxun en jatu mepanmashinaki.

Hechos 25:16

jakia ean jatu kemakin: “Nun romanobunan, nukun yunua kushipawenan, e iskaun detenunbun nun jaska beyamaki. Jakia jau detenunbun yunukinan, ja jaki kayai jadatuda chakabu ja dabe unanti wadabetan nun jatu nematiduki, ja ikaibudan”, akin en jatu washina

Hechos 27:1

januxun romano maiwan kesua Italia maewan Roma anu xanen ibu dasibi binuatun jau Pablo unanti wanun jadi nuku nichinkatsi shinanshinxun jau nuku iyunun capitán Julio soldado jawen xukua ewapa kena César Augustonadan, Pablo inun jabu bichimisbu betsabu jatu Feston inankin yunukin: —Roma anu iyukin jatu mekejaidakubaintankanwen— aka

Hechos 27:3

janu uxashini kai mae betsa Sidón anu nun keti ikaya capitán Julion Pablo duawakin jeneyua januxun Jesús ikunwainbu jawen jaibuaibuki jau jatuki bayutanunbun, iwanan, nemama kaken bechitan pimakin duawashianbu

Hechos 27:43

jakia Pablo jatu mekemakatsis ikin soldado capitán Julion jatu nematan nunanikabu jabu dukun jau pukubain mashin mapekenunbun jatu yunua